У Швецыі ўзброены мячом малады чалавек напаў на школу і параніў трох чалавек. Паліцыя падчас затрымання параніла нападніка ў нагу.
18‑гадовы хлопец у даспехах і з мячом прыйшоў у гімназію ў горадзе Фагерста.
Падчас нападу ён параніў двух падлеткаў і аднаго дарослага. Усе трое атрымалі цяжкія раненні, але іх стан ацэньваецца як стабільны.
З-за небяспекі некалькі школ, размешчаных паблізу, часова закрылі. На месца здарэння прыбылі дзясяткі паліцэйскіх. Пры затрыманні праваахоўнікі стрэлілі нападніку ў нагу, пасля чаго яго затрымалі.
Паводле мясцовых СМІ, раней 18‑гадовы хлопец сам вучыўся ў гэтай школе. Таксама паведамляецца, што ў яго былі псіхічныя праблемы і некаторы час ён знаходзіўся на лячэнні.
Прэм’ер-міністр Швецыі Ульф Крыстэрсан выказаў шкадаванне ў сувязі з «сур’ёзным інцыдэнтам» у Фагерсце, які адбыўся адразу пасля заканчэння летніх канікул.
Матыў нападу пакуль не ўстаноўлены. Паліцыя расследуе здарэнне і, у прыватнасці, вывучае запісы камер відэаназірання.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары