Аранжавы ўзровень небяспекі з-за галалёдзіцы працягнуты на 13 снежня
Аранжавы ўзровень небяспекі з-за галалёдзіцы ў Беларусі працягнуты на 13 снежня, паведамляе Белгідрамет.
Фота: infograd.by
У аўторак, 13 снежня, будзе пераважаць воблачнае надвор'е. На большай частцы тэрыторыі пройдзе кароткачасовы снег. Па паўднёвым усходзе краіны ў многіх раёнах, на астатняй тэрыторыі месцамі на дарогах захаваецца галалёдзіца.
Будзе таксама парывісты вецер. Уначы будзе ад мінус двух да мінус васьмі градусаў. Удзень чакаецца ад нуля да мінус пяці градусаў.
У Мінску ўначы — да мінус шасці, удзень — ад мінус аднаго да мінус трох градусаў.
Каментары