Шматдзетны бацька-айцішнік замовіў цацку на маркетплэйсе і атрымаў хімію
Гісторыю мінчука Мікалая — бацькі чатырох дзяцей і айцішніка па прафесіі — распавялі ў сюжэце АНТ. Мужчына стаў фігурантам крымінальнай справы за незаконны абарот агнястрэльнай зброі.
На папулярным маркетплэйсе Мікалаю трапіўся рэвальвер мадэлі «Бульдог Курс». Мужчына быў упэўнены, што купляе бяспечны забаўляльны тавар, тым больш што для афармлення замовы не патрабавалася ніякіх дакументаў або дазволаў.
Забраўшы тавар, мінчук некалькі разоў выпрабаваў яго ў лесе. Аднак пакупка мужчыне не спадабалася, бо рэвальвер аказаўся занадта гучным.
Якім менавіта чынам пра набытак даведаліся праваахоўнікі, у тэлесюжэце не ўдакладняецца, аднак Мікалай быў затрыманы і правёў цэлы год у следчым ізалятары.
Эксперты Дзяржаўнага камітэта судовых экспертыз даследавалі канструкцыю «Бульдога». Высветлілася, што расійскі вытворца пайшоў на хітрасць. Звычайны траўматычны патрон з порахам сумешчаны з шарыкам. Хітрасць «Бульдога» ў тым, што для яго патроны і шарыкі — падзялілі. І тыпу як па характарыстыках ужо не зброя, а цацка.
Аднак беларуская балістычная экспертыза прызнала рэвальвер агнястрэльнай зброяй траўматычнага дзеяння, абарот якой у Беларусі забаронены, бо сіла стрэлу нясе небяспеку для жыцця чалавека.
За такія дзеянні прадугледжана пакаранне да 7 гадоў зняволення, і некаторыя пакупнікі «Бульдогаў» ужо атрымалі рэальныя тэрміны ў калоніі ўзмоцненага рэжыму, гаворыцца ў сюжэце. Мікалаю суд прызначыў 5 гадоў дамашняй хіміі.
Каментары
так это ж они смогут безнаказанно экстемистить :D,
а если чего потяжелее? Мусорок, что получил маслину в бубен, этот нирвана который отправился на концерт к Йосе Кабздоху, вполне может подтвердить :D