Здароўе11

Навуковы прарыў: інсулін можна выпускаць у таблетках. Расказваем, як гэта стала магчымым

Новае адкрыццё адказвае на пытанне, якое ставіла даследчыкаў дыябету ў тупік на працягу 100 гадоў. 

Фота: pixabay

Навукоўцы з Інстытута Уолтэра і Элізы Хол (WEHI) у Мельбурне вырашылі векавое пытанне ў даследаваннях дыябету, выявіўшы, што іншыя малекулы здольныя замяніць інсулін з такім жа эфектам. Гэта дае каштоўную інфармацыю для будучага стварэння першых інсулінавых таблетак.

Паводле даследавання, апублікаванага ў часопісе Nature Communications, навукоўцы паспяхова прадэманстравалі, што неінсулінавая малекула можа цалкам імітаваць інсулін, неабходны для падтрымання ўзроўню цукру ў крыві чалавека. Гэта адкрывае новыя магчымасці для распрацоўкі лекаў, якія маглі б замяніць штодзённыя ін'екцыі інсуліну для людзей з дыябетам 1-га тыпу.

Каманда навукоўцаў пры дапамозе крыяэлектроннай мікраскапіі пабудавала трохмерныя чарцяжы некалькіх малекул, званых «пептыдамі», якія, як вядома, узаемадзейнічаюць з рэцэптарам інсуліну і ўтрымліваюць яго ў «актыўным» стане. 

У ходзе эксперыменту быў выяўлены адзін «пептыд», які можа звязвацца з рэцэптарам і актываваць яго так, як інсулін. Па словах доктара Нікаласа Кірка, аднаго з аўтараў даследавання, з гэтай малекулы можна сінтэзаваць лекі ў выглядзе таблетак, бо сам інсулін занадта нестабільны і лёгка расшчапляецца арганізмам пры траплянні ў стрававод.

«Інсулін быў створаны 100 гадоў таму, а распрацоўка інсулінавых таблетак была галоўнай марай усіх даследчыкаў дыябету, але паспяховых спроб стварэння такіх лекаў дагэтуль не было. Нам самім трэба прайсці яшчэ доўгі шлях у выглядзе далейшых даследаванняў, але вельмі прыемна ведаць, што наша адкрыццё адчыняе дзверы для лячэння дыябету 1-га тыпу пры дапамозе таблетак», — расказвае доктар Кірк.

Нагадаем, што інсулін — гэта гармон, які іграе важную ролю ў рэгуляцыі ўзроўню глюкозы (цукру) у крыві чалавека. Ён выпрацоўваецца падстраўнікавай залозай і дапамагае арганізму выкарыстоўваць глюкозу для атрымання энергіі. У людзей з дыябетам арганізм або не выпрацоўвае дастатковай колькасці інсуліну, або не можа эфектыўна яго выкарыстоўваць, што прыводзіць да павышэння ўзроўню цукру ў крыві і іншых негатыўных наступстваў.

Чытайце яшчэ:

«Дактары сказалі, што я не жылец». Беларус важыў 183 кілаграмы і вырашыўся ўшыць страўнік. Як дапамагло?

Дактары перасцерагаюць: не рабіце гэтага перад паходам да медыкаў 

Гелевы манікюр здольны выклікаць рак

Каментары1

  • Vik
    27.01.2023
    Вось як выпусцяць, так тады і пабалакаем. Шмат чаго мы ўжо чулі. І інсулін на 7 дзен, і штучная залоза, але ў рэчаіснасці цана на інсулін расце кожны год і замены яму няма.

Папулярны польскі трэвэл-блогер расказаў пра сваю паездку ў Беларусь і даў парады

Папулярны польскі трэвэл-блогер расказаў пра сваю паездку ў Беларусь і даў парады

Усе навіны →
Усе навіны

Кантрактнік у Белгарадскай вобласці Расіі застрэліў трох таварышаў і ўцёк са зброяй

У Калінкавічах у 40 гадоў памёр прапаршчык патрульна-паставой службы 

Эдуарду Бабарыку дадалі паўтара года зняволення2

Байдэн назваў віцэ-прэзідэнта Харыс Трампам. Той рэзка адрэагаваў1

Мілінкевіч расказаў, што беларусы могуць даць Еўропе9

Маргарыта Ляўчук выйшла замуж і чакае дзіця30

Разграмілі кватэру былога вядучага АНТ Івана Падрэза11

Сямейную пару расіян затрымалі ў Аўстраліі па падазрэнні ў шпіянажы

Шматдзетнай маці далі 6 гадоў калоніі па 6 артыкулах. Сын-падлетак з інваліднасцю чакае яе на волі8

больш чытаных навін
больш лайканых навін

Папулярны польскі трэвэл-блогер расказаў пра сваю паездку ў Беларусь і даў парады

Папулярны польскі трэвэл-блогер расказаў пра сваю паездку ў Беларусь і даў парады

Галоўнае
Усе навіны →