У ЗША папрасіў прытулку расійскі інжынер, які ўдзельнічаў у распрацоўцы Ту-160
У канцы снежня расійскі ваенны інжынер пад'ехаў да паўднёва-заходняй мяжы ЗША, папрасіў прытулку і прапанаваў раскрыць некаторыя з ваенных сакрэтаў Расіі, што пільна ахоўваюцца, паведамляе Yahoo News са спасылкай на справаздачу службы мытнага і пагранічнага кантролю Злучаных Штатаў.
Мужчына і яго сям'я прыехалі на браніраваным уседарожніку і папрасілі дазволу на ўезд у ЗША, бо баяліся пераследу за ўдзел у антыпуцінскіх пратэстах у падтрымку Аляксея Навальнага. Мужчына сказаў мытнікам, што ў яго ёсць інфармацыя, патрэбная ўраду ЗША.
Па словах збеглага расіяніна, з 2018 па 2021 год ён працаваў інжынерам-будаўніком на вытворчасці вайсковага самалёта ў канструктарскім бюро «Тупалеў» у Казані. Ён апісаў тып самалёта як штурмавік і сказаў, што аб’ект «называўся White Swan — TU160, самы вялікі вайсковы самалёт».
«Ту-160 «Белы лебедзь», таксама вядомы пад кодавай назвай НАТА «Блэкджэк» — самы дасканалы стратэгічны бамбавік у арсенале Расіі, — гаворыцца ў справаздачы мытні і памежнай службы ЗША. — Ён выкарыстоўваўся падчас тактычнага авіяўдару ў вайне ва Украіне».
«Ці можа кіраўнік аб'екта ведаць, ці мадыфікавалі яны новыя бамбавікі для стральбы гіпергукавымі ракетамі? Ён можа. І гэта сур'ёзная рэч — калі «Белы лебедзь» мадэрнізавалі для стральбы гіпергукавымі ракетамі. Яны хуткія і запускаюцца са значна большай адлегласці», — растлумачыў суразмоўца.
Пасля прыезду расіяніна ў ЗША яго імя і падрабязнасці яго гісторыі з’явіліся ў навінах. Yahoo News звяртае ўвагу на гэтую дзіўную акалічнасць, бо «вельмі незвычайна і, магчыма, беспрэцэдэнтна», што звесткі пра чалавека, які папрасіў прытулак і выдае сакрэты замежнага саперніка, сталі агульнадаступныя. Прытым што гэты сапернік «адсочвае і атручвае, выкідвае з вокнаў ці іншым чынам забівае сваіх перабежчыкаў». Выданне дадае: усе, з кім яно размаўляла, былі здзіўленыя, што гісторыю гэтага чалавека ўключылі ў агульнадаступную справаздачу мытні.
Каля паўтара тыдня Памежная служба і Міністэрства ўнутранай бяспекі ЗША працавалі, каб высветліць асобу мужчыны і яго ранейшае месца працы. Бліжэй да 11 студзеня яго прызналі годным даверу і патэнцыйна цікавым для ЗША, і, па словах двух урадавых чыноўнікаў, перадалі ў ФБР для далейшых распытаў.
Мяркуецца, што інжынер знаходзіцца ў ЗША і яго дагэтуль дапытваюць амерыканскія ўлады.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
Дый хто б яго такога сакрётнага дый з жонкай куды выпусціў з Расіі? Смех у зале.