Журналісты заўважылі ў адной з крам Маладзечна яйкі, некаторыя з якіх былі расфасаваныя ў звычайныя поліэтыленавыя пакеты, а іншыя — у спецыяльныя латкі. Пры гэтым паміж па-рознаму ўпакаванымі яйкамі была розніца ў цане, піша «Анлайнер».
За латок пакупнікам трэба заплаціць асобна 14 капеек, дадатковы цэннік прымацавалі на вітрыне побач з латкамі.
Калі ўзяць і яйкі, і латок, то пакупнік плаціць 2,59 рубля. Калі браць такія ж яйкі, але ў пакеце, яны будуць каштаваць 2,45 рубля.
У адміністрацыі крамы растлумачылі, чаму латок прадаюць асобна: яйкі без упакоўкі «адгрузіў адзін з пастаўшчыкоў», і «кампанія закупіла латкі асобна», у іх самі работнікі крамы і фасуюць прадукт.
У пакупнікоў жа ёсць выбар — купляць яйкі ў пакеце ці разам з латком, плацячы дадатковыя грошы.
Цяпер чытаюць
Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння25
Каментары