Расійскія ІТ-асацыяцыі просяць Пуціна абараніць «Лесту» ад нацыяналізацыі
Найбуйнейшыя расійскія IT-асацыяцыі выступілі супраць прымусовай нацыяналізацыі выдаўца гульняў «Свет танкаў» і «Свет караблёў». Яны накіравалі зварот да прэзідэнта Расіі Уладзіміра Пуціна, піша «Коммерсантъ». У дакуменце прадстаўнікі рынку просяць праверыць абгрунтаванасць абвінавачванняў у экстрэмізме, выстаўленых уладальніку кампаніі «Леста Гульні».
У красавіку расійскі суд наклаў арышт на тры асноўныя юрыдычныя асобы кампаніі «Леста Гульні», якая пасля сыходу з расійскага рынку Wargaming кіруе гульнявымі праектамі «Свет танкаў» і «Свет караблёў». У 2023 годзе Wargaming правяла акцыю ў падтрымку Украіны, пасля чаго кіраўніка «Лесты» Маліка Хатажаева абвінавацілі ў экстрэмізме.
Зварот да Пуціна падпісалі чатыры буйнейшыя IT-асацыяцыі Расіі, што аб’ядноўваюць больш за 700 кампаній: АПКІТ, «Айчынны софт», «Руссофт» і Асацыяцыя гульнявой індустрыі. Яны мяркуюць, што нацыяналізацыя «Лесты» падарве давер да інстытута прыватнай уласнасці і прывядзе да адтоку бізнесу і спецыялістаў за мяжу.
Канчатковае рашэнне па справе «Лесты» могуць прыняць ужо 27 траўня. Па патрабаванні Генпракуратуры разгляд плануюць правесці ў закрытым рэжыме, але «Леста» і профільныя аб’яднанні просяць зрабіць працэс публічным.
Паводле даных «Коммерсанта», у выпадку паразы кампанію могуць часова перадаць Расмаёмасці, а затым — інвестыцыйнаму фонду Gem Capital, які, дарэчы, раней прапаноўваў Маліку Хатажаеву выкупіць бізнэс.
У Беларусі ў студыі ёсць цэнтр распрацоўкі — кампанія «Гейм Стрым», зарэгістраваная ў Парку высокіх тэхналогій. На сайце парку пазначана, што ў кампаніі працуе больш за 800 супрацоўнікаў і што яна займаецца распрацоўкай «Свет танкаў», «Свет караблёў» і іншых праектаў «Лесты».
-
«Над галавой лятае па 20 тон». Брат і сястра з Беларусі расказалі, колькі зарабляюць у порце польскай Гдыні
-
«Многія людзі стануць непатрэбнымі». Сузаснавальнік EPAM пра сяброўства з Добкіным, багацце і няроўнасць, жыццё ў Латвіі і настальгію
-
У ліпені Расія яшчэ больш павялічыла закупкі паліва ў Беларусі
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу8
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары