У сацсеткі трапілі планы ЗША і НАТА па падрыхтоўцы ўкраінскага наступу
У твітары і тэлеграме з'яўляюцца здымкі сакрэтных дакументаў Пентагона і НАТА аб падрыхтоўцы ўкраінскага наступу, яны часткова змененыя, але выглядаюць як сапраўдныя, паведамляе New York Times са спасылкай на ананімныя крыніцы ў адміністрацыі Байдэна.
Дакументы датуюцца 1 сакавіка, так што з тых часоў планы маглі змяніцца. У іх не гаворыцца пра дату і месца будучага наступу. Але ў іх утрымліваецца інфармацыя аб тым, колькі брыгад Украіна плануе падрыхтаваць да наступу і якую колькасць тэхнікі яны атрымаюць. У іх таксама ёсць такія звесткі, як штодзённы расход боепрыпасаў для HIMARS.
Пра тое, што дакументы маглі падвергнуцца змяненню, кажа той факт, што на адным са слайдаў расійскія страты забітымі ацэньваюцца ў 16-17 тысяч, а ўкраінскія — у 71,5 тысячы, піша газета.
Ацэнка расійскіх страт выглядае непраўдападобна заніжанай: яшчэ 17 сакавіка Бі-бі-сі па адкрытых крыніцах ведала імёны 17375 чалавек (а 3 сакавіка — 16071). Рэальная колькасць загінулых вышэйшая, а заходнія афіцыйныя асобы называлі лічбы ў некалькі разоў большыя. Гэтая фальсіфікацыя можа паказваць на спробу дэзінфармацыі ў інтарэсах Расіі; дакументы з'яўляліся ў прарасійскіх каналах.
Амерыканскія ведамствы спрабавалі дамагчыся выдалення гэтых дакументаў, але пакуль у іх гэта не ўдалося.
«Нам вядома пра паведамленні, пра пасты ў сацсетках, і Міністэрства вывучае гэтае пытанне», — пракаментавала New York Times намесніца прэс-сакратара Пентагона Сабрына Сінгх.
-
Кіеў увечары зноў быў пад атакамі, знікалі святло і вада. За дзень ва Украіне загінулі як мінімум 25 чалавек
-
Колькасць загінулых у Прылуках пад Чарнігавым вырасла да 14
-
Былы кіраўнік Google: Расія здаганяе Украіну ў вайсковых тэхналогіях, а рэсурсаў у яе нашмат больш. Галоўным выклікам будзе «Рассвет»
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары