Ціханоўскую запрасілі ў Нямеччыну на цырымонію ўручэння Зяленскаму Міжнароднай прэміі імя Карла Вялікага
Святлана Ціханоўская, Марыя Калеснікава і Вераніка Цапкала сталі лаўрэатамі прэміі ў 2022 годзе.
Палітык напісала ў твітары, што ганарыцца магчымасцю «паўдзельнічаць у цырымоніі ў гонар украінскага прэзідэнта і народа», паведамляе «Позірк».
Арганізатары прэміі 10 мая абнародавалі віншаванне Ціханоўскай, як леташняга лаўрэата. У ім беларускі дэмлідар адзначыла, што Зяленскі з'яўляецца «крыніцай натхнення не толькі для ўкраінцаў, але і для ўсяго свету».
«Мы мусім перамагчы. Калі мы прайграем, цемра зноў апусціцца на Еўропу», — дадала Ціханоўская. Яна прапанавала разам выгнаць «дыктатараў у мінулае» і пабудаваць «агульную будучыню ў сяброўстве».
Святлана Ціханоўская, Марыя Калеснікава і Вераніка Цапкала сталі лаўрэатамі Міжнароднай прэміі імя Карла Вялікага ў 2022 годзе.
Яны былі ганараваны гэтай узнагародай «за мужнасць і барацьбу, што ўсяляе надзею, — за свабоду і дэмакратыю, за правы чалавека і тым самым за еўрапейскія каштоўнасці».
Каментары