Вядома, што кіраўніка «Вясны» і нобелеўскага лаўрэата этапавалі ў канцы красавіка ў горацкую калонію № 9. Але нават афіцыйнага падцвярджэння яго знаходжання там дагэтуль няма.
3 сакавіка суд Ленінскага раёна Мінска пакараў Алеся Бяляцкага пазбаўленнем волі тэрмінам 10 гадоў, а яго калег Валянціна Стэфановіча і Уладзіміра Лабковіча — на 9 і 7 гадоў зняволення адпаведна. Разгляд апеляцыйнай скаргі адбыўся 21 красавіка, Вярхоўны суд пакінуў прысуд без змен. Праваабаронцы ўтрымліваюцца ў зняволенні больш за 22 месяцы, паведамляе «Вясна».
Падтрымайце Алеся лістамі, паштоўкамі і тэлеграмамі: ПК № 9, 213410, Горкі, Дабралюбава, 16, Аляксандру Віктаравічу Бяляцкаму.
На жаль, выпадак з Бяляцкім не ўнікальны. Доўгі час няма вестак ад Міколы Статкевіча (95 дзён), Максіма Знака (з лютага), Сяргея Ціханоўскага (з 10 сакавіка) і некаторых іншых вязняў.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары
П.с. З прыкрасцю зноў адзначаю, што нейкі дэнацыфікаваны ўральскі пельмень выклікаў больш увагі, чым наш Нобелеўскі лаўрэат. І рускі мір так проста не вытравіш, і прымусіць сябе неяк адгукацца на навакольны негатыў цяжэй, чым радасна зласлівіць над чарговым праплываючым па рацэ жмуром ворагам. Але трэба дбаць і перажываць аб сваіх людзях найперш.