Навука і тэхналогіі

Навукоўцы прыдумалі аднаразовыя кубачкі для кавы без кроплі пластыку

Канадскія даследчыкі распрацавалі матэрыял, які зробіць аднаразовыя кубачкі больш экалагічнымі і таннымі.

Фота: Aleh Panasiuk / Vecteezy

Папяровыя кубачкі для кавы звычайна пакрываюць знутры тонкім слоем пластыку. Ён не дае паперы размокнуць ад гарачага напою, але ўскладняе перапрацоўку выкарыстаных кубачкаў. Да таго ж пры кантакце з гарачай вадкасцю пластыкавае пакрыццё можа выдзяляць драбнюткія часцінкі мікрапластыку.

Як піша ScienceAlert, даследчыкі з Універсітэта Ватэрлоо ў Канадзе распрацавалі пакрыццё з двух кампанентаў на аснове цэлюлозы — рэчыва, якое ўваходзіць у склад клетачных сценак раслін. Асновай стаў ацэтат цэлюлозы, а для павышэння трываласці ў яго дадалі драбнюткія крышталі цэлюлозы. Атрыманае пакрыццё добра трымаецца на паперы без клею, закрывае яе поры і не прапускае ваду і тлушч.

Каб праверыць сваю распрацоўку, навукоўцы правялі цэлы шэраг выпрабаванняў. Матэрыял вытрымаў кантакт з кіпнем, харчовым алеем і рознымі хімічнымі рэчывамі, захаваўшы ахоўныя ўласцівасці.

Асобна даследчыкі параўналі, як паводзяць сябе новае пакрыццё і звычайны пластыкавы слой пры механічным уздзеянні. Выявілася, што пластык адносна лёгка пашкоджваецца і ад яго аддзяляюцца дробныя часцінкі. А пакрыццё з цэлюлозы ў тых жа ўмовах засталося пераважна непашкоджаным.

Яшчэ адзін цікавы вынік атрымалі, калі новы матэрыял нанеслі на звычайныя тонкія папяровыя ручнікі, якія вельмі хутка ўбіраюць ваду. Пасля апрацоўкі папера стала воданепранікальнай і захавала трываласць.

Вынікі эксперымента паказалі, што аднаразовыя кубачкі можна будзе вырабляць з танчэйшай паперы, выдаткоўваючы менш сыравіны. На думку даследчыкаў, у перспектыве гэта дазволіць знізіць і кошт вытворчасці.

Аднак пакуль распрацоўка існуе толькі на лабараторным узроўні. Перш чым выкарыстоўваць яе ў харчовай упакоўцы, неабходна праверыць бяспеку матэрыялу і атрымаць дазвол рэгулятараў. Калі гэта адбудзецца, расліннае пакрыццё можна будзе прымяняць не толькі ў кубачках для кавы, але і ў іншых відах упакоўкі.

Каментары

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць