Байдэн пагадзіўся дапамагчы Украіне падрыхтаваць пілотаў для F-16 — CNN
Прэзідэнт ЗША Джо Байдэн паведаміў сваім калегам па G7, што ягоная краіна падтрымае сумесныя намаганні з саюзнікамі і партнёрамі, каб навучыць украінскіх пілотаў кіраваць самалётамі чацвёртага пакалення, уключаючы F-16, паведаміў CNN высокапастаўлены чыноўнік адміністрацыі.
Па словах крыніцы, навучанне мае праходзіць цалкам у Еўропе, але ў ім будуць удзельнічаць амерыканскія інструктары. Чыноўнік выказаў надзею, што гэта пачнецца «ў найбліжэйшыя тыдні» і скончыцца цягам некалькіх месяцаў.
Па словах афіцыйных асоб, рашэнне падтрымаць ініцыятыву па навучанні ўкраінскіх пілотаў было прынята Байдэнам вельмі хутка пасля сустрэч з лідарамі G7 у Хірасіме, дзе ключавой тэмай абмеркавання была тэма F-16 для Украіны. Раней у гэтым годзе амерыканскі прэзідэнт заяўляў, што не думае, што Украіне патрэбныя F-16.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»7
Каментары