Нядаўна з'явілася інфармацыя, што на трасе М8 пад Гомелем, за 20 км ад мяжы з Украінай, з'явілася лінія супрацьтанкавых умацаванняў «зубы дракона», якую вобразна сталі называць «лініяй Хрэніна». Сёння «Радыё Свабода» апублікавала спадарожнікавыя здымкі лініі, зробленыя кампаніяй Planet Labs 25 мая.

Спадарожнікавы здымак вайсковых умацаванняў пад Гомелем. 25 мая 2023 года
Са здымкаў выглядае, што даўжыня лініі супрацьтанкавых умацаванняў каля вёскі Калініна складае каля 2 км (400 м — заходняя частка, 1600 м — усходняя). На поўначы, бліжэй да вёскі, можна заўважыць фартыфікацыйныя элементы — акопы і равы.

Акопы для людзей і тэхнікі на ўскрайку вёскі Калініна. 25 мая 2023 года

26 мая гэты абарончы рубеж наведваў міністр абароны Віктар Хрэнін, ён быў створаны акурат пад вучэнні тэрабароны, якія праводзіліся ў той час у Гомелі і Гомельскім раёне.

Лінія «зубоў дракона» на ўсход ад трасы М8, якая вядзе з Гомеля ў бок украінскай мяжы. 25 мая 2023 года

Лінія «зубоў дракона» на захад ад трасы М8, якая вядзе з Гомеля ў бок украінскай мяжы. 25 мая 2023 года
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне
Каментары