Вайна прыйшла на Рублёўку. У эпіцэнтры атакі дронаў апынуліся маёнткі пуцінскай эліты
Хто з пуцінскай эліты мог пабачыць сённяшнія палёты дронаў, тлумачыць канал «Можем объяснить».
У эфіры федэральных тэлеканалаў практычна нічога не паведамляюць пра самую маштабную з пачатку вайны атаку беспілотнікаў на Маскву і Падмаскоўе, як заўважыў канал «МО». «Россия-24» робіць упор на тым, што будынкі нязначна пашкоджаныя, а ўсе беспілотнікі «падаўленыя». Тэлеканалы не перапынілі свае эфіры на спецыяльныя выпускі навін, у эфіры «Россия-24» няма спецыяльнай плашкі з надпісам «Тэрмінова» — як звычайна адбываецца падчас надзвычайных падзей.
Верагодна, гэта была псіхалагічная атака, прычым у месцах, населеных пуцінскай элітай. У Маскве — гэта прэстыжныя паўднёва-заходнія мікрараёны. У Падмаскоўі — Рублёўская шаша і яе ваколіцы, дзе жывуць набліжаныя да Пуціна алігархі і чыноўнікі.
Адзін з дронаў упаў у пасёлку Ільінскае — усяго за 3 кіламетры ад рэзідэнцыі прэзідэнта Пуціна ў Нова-Агарова.
У пасёлку Знаменскае месціцца маёнтак у пуцінскага сябра Генадзя Цімчанкі.
Побач з аднаго боку — рэзідэнцыя прэмʼер-міністра Міхаіла Мішусціна «Горкі — 9» і былы зяць прэзідэнта Расіі Кірыл Шамалаў, з другога — бацька губернатара Маскоўскай вобласці, сенатар Юрый Варабʼёў і міністр абароны Сяргей Шайгу.
Побач з вёскай Жукаўка ў КП «Ільінскае поле» стаяць адзін насупраць аднаго асабнякі найбліжэйшых сяброў Пуціна — братоў Аркадзя і Барыса Ратэнбергаў. А па суседстве дом палюбоўніцы Шайгу Алены Шабуновай.
У пасёлку Ландшафт — дом у Сяргея Кірыенкі. У Барвісе — дом у Ігара Сечына. Былой дачай Мікаяна валодае кіраўнік Расгвардыі Віктар Золатаў.
У Архангельскім дом у кіраўніка Канстытуцыйнага суда Валерыя Зоркіна, які днямі прынёс Пуціну мапу Еўропы з адсутнай там Украінай (потым аказалася, прысутнай).
Адзін беспілотнік накіроўваўся ў пасёлак Уласіха — там знаходзіцца штаб і цэнтральны камандны пункт Ракетных войскаў стратэгічнага прызначэння.
Сёння ноччу жыхары Масквы і Падмаскоўя пачулі выбухі. Як паведамляюць расійскія медыя, у атацы ўдзельнічалі каля 25 беспілотнікаў. Па інфармацыі іншых крыніц, дронаў было больш за 30. Дакладных лічбаў пакуль няма.
Цяпер чытаюць
У Гомелі па палітычных крымінальных справах затрымлівалі трох адвакатаў, адзін у СІЗА1
Каментары
У машыне ў Сахашчыка не было дакумантаў АПК. Хто прыдумаў, што нехта возіць зараз паперы сакрэтныя ў торбах))
Хаця б пацікавіліся, што і як было. Перад тым, як фейкі распаўсюджваць.
І за каментары вы ж не адказваеце. Дык адчыніце іх))
[Каменты да Сахашчыка не закрытыя, усё працуе -- рэд]