Забіты ў Іспаніі паплечнік Януковіча за некалькі дзён да смерці прыязджаў ва Украіну
Паводле звестак выдання «Украінскай праўды», Андрэй Партноў — былы дарадца прарасійскага прэзідэнта-ўцекача Віктара Януковіча і чалавек, які меў значны ўплыў на судовую сістэму, — знаходзіўся ва Украіне за некалькі дзён да сваёй смерці.
Паводле інфармацыі выдання, Партноў прыбыў ва Украіну 17—18 мая і сустракаўся там з высокапастаўленымі асобамі, якія адказваюць за працу праваахоўных органаў.
21 мая Партнова застрэлілі ў Мадрыдзе, каля амерыканскай школы, калі ён адводзіў туды сваіх дачок — 10 і 12 гадоў. Гэтая падзея шакавала мясцовых жыхароў.
Партноў, вядомы прарасійскімі поглядамі, раней быў першым намеснікам кіраўніка адміністрацыі прэзідэнта Януковіча. У 2022 годзе ён праз Закарпацце пакінуў тэрыторыю Украіны.
З 2021 года ён знаходзіўся пад санкцыямі ЗША паводле «акта Магніцкага» — яго абвінавачвалі ў парушэнні правоў чалавека і карупцыі, у тым ліку ў спробах уплываць на судовую сістэму Украіны.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары