У Беларусі пачаўся працэс банкруцтва аднаго з найбуйнейшых вытворцаў рыбнай прадукцыі — ААТ «Белрыба». Заяву разгледзіць Эканамічны суд Мінска, паведамляецца на сайце Вярхоўнага суда Беларусі.
Прадпрыемства мела больш за 60 гадоў вопыту працы і было вядомым вытворцам вэнджанай і вяленай рыбы, рыбных далікатэсаў, кансерваў і прэсерваў. Таксама «Белрыба» займалася імпартам марожанай рыбы і морапрадуктаў.
Гандлёвая сетка кампаніі ўключала фірменны магазін у Мінску, секцыі ў буйных сталічных крамах, а таксама крамы ў Слуцку, Салігорску і павільёны ў іншых гарадах.
Склады і філіялы «Белрыбы» працавалі ў абласных цэнтрах, Полацку, Баранавічах, Барысаве, Лідзе, Жлобіне, Калінкавічах — амаль ва ўсіх буйных населеных пунктах краіны.
Каментары