Грамадства77

«Больш анекдатычнага персанажа ў гэтай вайне прыдумаць нельга» — Падаляк пра абвінавачанні Лукашэнкі ў падрыве Кахоўскай ГЭС

Аляксандр Лукашэнка абвінаваціў Украіну ў падрыве Кахоўскай ГЭС, заявіўшы, што «на злодзеі і шапка гарыць». Чарговы галаслоўны выпад у адрас Кіева пракаментаваў дарадца кіраўніка Офіса прэзідэнта Украіны Міхаіл Падаляк па просьбе «Люстэрка».

Аляксандр Лукашэнка. Скрыншот відэа

— Я, шчыра кажучы, ужо стаміўся каментаваць анекдоты ў выкананні Лукашэнкі. Мне здаецца, што больш анекдатычнага персанажа ў гэтай вайне прыдумаць нельга. Ёсць, вядома, Шайгу яшчэ. Але глядзіце: Лукашэнка заўсёды ручкі складзе, сядзіць такі надзьмуты мяшочак і ўвесь час нешта распавядае, як быццам мае доступ да нейкай інфармацыі, — сказаў Падаляк.

Дарадца кіраўніка Офіса прэзідэнта Украіны падкрэсліў, што ў Лукашэнкі няма ні доступу да актуальнай інфармацыі, ні разумення працэсаў, якія адбываюцца, і, як следства, адсутнічае магчымасць правільнага аналізу.

— Абсалютная неактуальнасць таго, дзе ён знаходзіцца і што ён робіць. Гэта значыць чалавек па-за часам, які дакладна нясе абсалютна анекдатычную ахінею. Я прашу прабачэння за такія фармулёўкі, бо [ўсё] гэта — неймаверная лухта, якую нясе гэты чалавек на працягу 15,5 месяца.

Ён увесь час павялічвае аб'ём юрыдычных прэтэнзій да сябе. Несумненна, гэты чалавек павінен зразумець адну рэч: вайна скончыцца не [так], як у 14 годзе, і ўсе яго развагі пра тое, што на злодзеі гарыць шапка, яму прыйдзецца ўсё гэта распавядаць. Калі, вядома, ён зможа гэта зрабіць па фізічных і тых ці іншых параметрах. Таму што, наколькі я разумею, для Расіі ён сапраўды гэтак жа не мае ніякай каштоўнасці, як і людзі, якія сёння ўдзельнічаюць непасрэдна ў вайне, — заявіў Міхаіл Падаляк.

Аляксандр Лукашэнка 8 чэрвеня на сустрэчы з сакратарамі Рад бяспекі дзяржаў — членаў АДКБ выказаўся наконт падрыву Кахоўскай ГЭС.

— Вы, напэўна, здагадваецеся, хто падарваў Кахоўскую ГЭС? Кажуць, на злодзеі і шапка гарыць. Хто першым пра гэта закрычаў? Зразумела, што ўкраінскаму боку трэба было схаваць тры дні «контрнаступу», дзе амаль дзве сотні бронемашын было знішчана і больш за дзве тысячы чалавек загінулі. Таму — Кахоўка, Кахоўка, а пра тое (страты. — «НН») ніхто не кажа. А гэта ж усё відаць, — заявіў Лукашэнка.

У ноч на 6 чэрвеня выбухам была знішчана Кахоўская ГЭС. Сотні мястэчак аказаліся ў зоне затаплення. Пачалася эвакуацыя жыхароў небяспечных раёнаў.

Кіеў і Масква вінавацяць адно аднаго. Белы дом заявіў, што РФ адказная за разбурэнне Кахоўскай ГЭС, бо тое, што здарылася, было б немагчымым, калі б расійская армія не ўварвалася ва Украіну.

Каментары7

  • Realnaść
    10.06.2023
    Łukašenka ničoha nia viedaje. Jon razmaŭlaje tolki tamu, što adčajna choča zdavacca «aktualnym».
  • Амбивалентность
    10.06.2023
    Также Подоляк: "У Лукашенко видим понимание того, как эта война развивается".
  • Янка
    10.06.2023
    Бараніць Лукашэнку не збіраюся, але з ўкраінскага боку менавіта спадар Падаляк - адзіны з галоўных спікераў той самай анекдатычнай ахінеі. Хоць магчыма і не на першым месцы, бо яшчэ ёсьць Віталь Клічко і Мар'яна Безуглая.

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Свет на парозе фінансавага абвалу, яшчэ больш агрэсіўны Трамп і небяспека для Тайваня. The Economist даў прагноз на 2027 год13

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць