Кіраўнікі краінаў ЕС спыніліся на прэзідэнту-адміністратару, хрысціянскім дэмакрату з якасцямі міратворца. Першым міністрам замежных справаў ЕС стане брытанка Кэтрын Эштан.
Кіраўнікі краінаў ЕС спыніліся на прэзідэнту-адміністратару з якасцямі міратворца. Першым міністрам замежных справаў ЕС стане брытанка Кэтрын Эштан.
Лісабонская дамова, якая ўступіць у сілу ў снежні 2009 г., — новы этап у развіцці Еўрасаюза. Сярод іншага, яна ўводзіць пасаду пастаяннага старшыні Еўрапейскай Рады, якога прэса паспела ахрысціць «Прэзідэнтам Еўропы».
Еўрапейская Рада на дадзены момант — гэта тэрмін, які ўжываецца для апісання сустрэч кіраўнікоў дзяржаваў Еўрасаюза некалькі разоў на год у Брусэлі. Існуе ратацыя, паводле якой краіны старшынююць у ёй, — кожная па 6 месяцаў.
Паводле Лісабонскай дамовы, такі парадак скасоўваецца: старшыня Еўрапейскай Рады будзе выбірацца на 2,5 года.
Пасада прэзідэнта ЕС збольшага адміністратыўная, асноўныя абавязкі — каардынацыя працы Рады ЕС і арганізацыя міжнародных сустрэч. Акрамя таго, прэзідэнт будзе рэпрэзентаваць Еўрапейскі Саюз на сусветнай арэне і гаварыць ад імя аб’яднанай Еўропы. Прэзідэнт Еўропы будзе атрымліваць 270 000 еўра ў год, мець спецыяльную машыну з шафёрам, у яго офісе будуць працаваць 20 памочнікаў.
Хрысціянскі дэмакрат, фламандзец Герман ван Ромпэй — еўрапеец «з вялікай літары», палымяны прыхільнік еўрапейскай інтэграцыі. У той жа час гэта малавядомы і нехарызматычны палітык.Ягоная родная мова — фламандскі дыялект нідэрландскай, але ён дасканала валодае таксама ангельскай і французскай. Славу ён заслужыў, прыміраючы фламандцаў і валонаў у сябе на бацькаўшчыне, якая гатовая рассыпацца на дзве дзяржавы.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары