Жыхар Беласточчыны затрымаў нецвярозага кіроўцу. Інцыдэнт адбыўся ў нядзелю. Алкатэстар паказаў, што кіроўца «Мерсэдэса», грамадзянін Беларусі, меў у арганізме каля пяці праміле алкаголю. Кіраванне машынай у стане алкагольнага ап'янення караецца пазбаўленнем волі на тэрмін да двух гадоў, паведамляе тамтэйшая паліцыя.
Затрыманне адбылося на хуткаснай трасе. Вечарам у паліцыю паступіла інфармацыя аб затрыманні нецвярозага кіроўцы сведкам. Сведка, падазраючы, што кіроўца «Мерсэдэса» п'яны, перашкодзіў яму працягнуць рух, забраўшы ключы з замка запальвання.
Паліцыянты, якія прыехалі на месца, адразу адчулі, што ад беларуса нясе алкаголем. Алкатэстар паказаў, што ў мужчыны каля пяці праміле алкаголю ў арганізме.
З-за высокай канцэнтрацыі алкаголю ў грамадзяніна Беларусі на месца прыбыла хуткая дапамога, якая забрала мужчыну ў бальніцу.
45-гадовы мужчына страціў правы. За кіраванне аўтамашынай у стане алкагольнага ап'янення яму пагражае да двух гадоў пазбаўлення волі.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак6
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары