Супраць палітвязня Алега Яфрэменкі завялі трэцюю крымінальную справу
Алега неаднаразова змяшчалі ў ШІЗА, а нядаўна супраць яго распачалі ўжо трэцюю крымінальную справу — зноў па ч. 1 арт. 411 КК. У хуткім часе над палітвязнем адбудзецца суд, як паведамляе «Вясна».
15 жніўня мінулага года ў судзе Ленінскага раёна Магілёва Алегу Яфрэменку прысудзілі ў дадатак да ранейшых чатырох гадоў з паловай калоніі яшчэ год у зняволенні. Яго абвінавацілі па ч. 1 арт. 411 Крымінальнага кодэкса («Злоснае непадпарадкаванне патрабаванням адміністрацыі папраўчай установы»).
Раней палітвязню ўжо ўзмацнялі рэжым: у верасні 2021 года з калоніі, дзе ён адбываў тэрмін за падсечку міліцыянту, Алега перавялі на турэмны рэжым.
З 18 лістапада Алег пачаў адбываць тэрмін у папраўчай калоніі №9. Але, па інфармацыі праваабаронцаў, адміністрацыя ўстановы ўвесь час цісне на Алега, і новы суд над ім стаў вынікам якраз гэтага.
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў2
Каментары