Свет3131

«Хто хоча, зможа пайсці і ў Беларусь». Пуцін выступіў са зваротам

Уладзімір Пуцін выступіў з нечаканым вячэрнім зваротам. Дзмітрый Пяскоў анансаваў незадоўга да выступлення зварот прэзідэнта Расіі з «шэрагам важных заяў», але хто гэтага сапраўды чакаў, быў яўна расчараваны.

Уладзімір Пуцін. Скрыншот з відэа

Выступленне Пуціна заняло ўсяго крыху больш за пяць хвілін і было цалкам прысвечанае нядаўняму мяцяжу ПВК «Вагнер» на чале з Яўгенам Прыгожыным.

Пуцін падзякаваў грамадзянам Расіі «за вытрымку, згуртаванасць і патрыятызм». Маўляў, «грамадзянская салідарнасць паказала, што любы шантаж, спробы зладзіць унутраную смуту асуджаныя на правал».

Паводле Пуціна, мяцеж «вагнераўцаў» быў бы па-любому задушаны, і яго арганізатары не маглі гэтага не разумець. Аднак усё адно, «здрадзіўшы сваёй краіне, свайму народу, здрадзілі і тым, каго ўцягнулі ў злачынства». Пасля гэтага ён сказаў на адрас гэтых арганізатараў яшчэ некалькі гнеўных асуджальных сказаў, а пасля падзякаваў «усім нашым вайскоўцам, супрацоўнікам праваахоўных органаў, спецыяльных службаў, якія сталі на шляху ў мяцежнікаў, захавалі вернасць абавязку, прысязе і свайму народу».

Асобна ён успомніў пра загінулых у ходзе мяцяжу лётчыкаў, якія «збераглі Расію ад трагічных разбуральных наступстваў». У той жа час «пераважная большасць байцоў і камандзіраў групы «Вагнер» для Пуціна «таксама патрыёты Расіі, адданыя свайму народу і дзяржаве», якіх падманулі. Таму і «рабіліся крокі, каб пазбегнуць вялікай крыві».

Урэшце Пуцін падзякаваў «тым салдатам і камандзірам групы «Вагнер», якія прынялі адзіна правільнае рашэнне і не пайшлі на братазабойчае кровапраліцце, спыніліся каля апошняй рысы», і

прапанаваў ім тры варыянты наступных дзеянняў: заключыць кантракт з Міністэрствам абароны ці іншымі сілавымі органамі, вярнуцца «да сваіх родных і блізкіх» ці «пайсці і ў Беларусь».

У канцы Пуцін успомніў пра Лукашэнку і падзякаваў яму «за ягоныя намаганні і ўнёсак у мірнае вырашэнне сітуацыі».

Характэрна, што прозвішча Яўгена Прыгожына падчас гэтага выступлення не было згадана ніводнага разу.

 

Каментары31

  • Ёсік
    26.06.2023
    Пуцін кіруе Беларусьсю? Інакш, як зразумець... могуць сысьці ў Беларусь? Поўны пісь..ц, спадарства.
  • ром
    26.06.2023
    перефразируя... кто хочет- может идти на х..))
  • Беларус
    26.06.2023
    Сысцi ў Беларусь - гэта i ёсць асноўны план.

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны19

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

«Дайце круглую суму і год — будзе вам любы шэдэўр Мікеланджэла!» Улады запатрабавалі перарабіць «Быхаўскую мадонну». Аўтар падточвае яе балгаркай29

Зборная Беларусі прайграла заключны важны матч у Лізе нацый5

«Спадзяюся, ты памрэш і пазбавіш нас ад пакут». Пасля адстаўкі кіраўніка Nvidia падначаленыя расказалі пра ягоныя істэрыкі13

У Чэхіі адбылася найбуйнейшая з 1989 года акцыя пратэсту10

Штодзённая кава стымулюе кішэчнік і зніжае рызыку Паркінсона. Каб даказаць гэта, правялі незвычайны эксперымент5

Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод 20

Пяць краін ЕС адкрываюць у Руандзе лагер для дэпартаваных мігрантаў. Раней Брытанія страціла на падобнай схеме амаль мільярд даляраў6

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал27

У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет1

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны19

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць