Яшчэ адзін мільярдэр адмовіўся ад расійскага грамадзянства. Ён такі ўжо шосты і быў цесна звязаны з Лукашэнкам
Буйны бізнэсмен Ігар Макараў адмовіўся ад расійскага пашпарта, піша Forbes. Ён стаў ужо шостым мільярдэрам, які выйшаў з грамадзянства Расіі пасля пачатку вайны ва Украіне.
Макараў, які прадаў свае газавыя актывы «Раснафты» ў 2013 годзе, цяпер мае толькі пашпарт Кіпра, які атрымаў у абмен на інвестыцыі ў 2008—2012 гадах. Апошнія гады бізнэсмен жыве на тры краіны — на Кіпры, у ЗША і на поўначы Італіі.
Паводле ацэнкі Forbes, Макараў валодае багаццем у 2,2 млрд даляраў. Кампанія «Ітэра», якую ён заснаваў у 1990-я, перапрадавала туркменскі газ. У 2013 годзе Макараў прадаў сваю долю ў ёй «Раснафце» за 2,9 млрд даляраў, атрымаўшы з іх 1,8 млрд. Сваё багацце ён пасля павялічыў за кошт інвестыцый на заходніх рынках.
Пасля пачатку вайны ва Украіне Вялікабрытанія, Канада, Аўстралія і Новая Зеландыя ўвялі супраць бізнэсоўца санкцыі.
Макараў — адзін з тых расійскіх бізнэсменаў, якія мелі моцныя бізнэс сувязі з рэжымам Лукашэнкі. Ягоная «Ітэра» праводзіла часта непразрыстыя аперацыі з перапродажам газпрамаўскага газу, а ў Мінску гэтая кампанія атрымлівала выгадныя пляцоўкі пад забудову.
Наколькі цесныя былі сувязі Макарава з Лукашэнкам, сведчыць хоць бы тое, што з 2005 года ён стаў ганаровым консулам Беларусі ў Маскве. Акрамя таго, ён атрымаў з рук Аляксандра Лукашэнкі медаль Францыска Скарыны і ордэн Дружбы народаў.
Ды і пасля таго, як «Ітэра» перайшла пад кіраванне «Раснафты», а Макараў перабраўся на Захад, сувязі не зніклі.
Так, калі ў 2019 годзе Лукашэнку заўважылі з дарагім замежным роварам, ягоная прэс-сакратарка Наталля Эйсмант апраўдвалася, што гэта падарунак Макарава.
Макараў — шосты мільярдэр, які адмовіўся ад пашпарта РФ з пачатку поўнамаштабнага ўварвання. Да яго гэта зрабілі заснавальнік інвестыцыйнай кампаніі Freedom Finance Цімур Турлоў, заснавальнік групы фондаў DST Global і былы саўладальнік Mail.Ru Group Юрый Мільнер, заснавальнік Revolut Мікалай Старонскі, заснавальнік «Тройка Дыялог» Рубен Варданян і заснавальнік «Тинькофф банка» Алег Цінькоў.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары