Ні ў якім раёне Беларусі больш няма забароны на наведванне лясоў
Забарону на наведванне лясоў уводзілі ў асобных раёнах праз засушлівае і спякотнае надвор'е. Цяпер лясы ва ўсіх раёнах адкрытыя для наведвальнікаў.
Карта, складзеная Міністэрствам лясной гаспадаркі
Чырвонай зоны больш на карце лясоў няма.
Пры гэтым у 44 раёнах дзейнічаюць абмежаванні на наведванні лясоў. Найбольш такіх раёнаў (17) — у Гродзенскай вобласці. На Віцебшчыне абмежаванні ёсць у 11 раёнах, на Брэстчыне — у 8, на Гомельшчыне — у 5. У Магілёўская вобласці такіх раёнаў 2, а ў Мінскай — 1.
Абмежаванае наведванне значыць, што, напрыклад, у грыбы і ягады хадзіць дазваляецца, а вось разводзіць вогнішча і заязджаць на механічным транспарце нельга.
Каментары