Паводле інфармацыі літоўскіх СМІ, большая частка купленых баявых машын пойдзе на фармаванне новага танкавага батальёна ў складзе новай армейскай дывізіі.
Галоўны дарадца прэзідэнта Літвы Кястуціс Будрыс 25 ліпеня анансаваў найбуйнейшую ў гісторыі краіны закупку танкаў для патрэб арміі. Паводле слоў Будрыса, якія перадае выданне Delfi, закупляцца яны будуць, хутчэй за ўсё, у Германіі.
Як адзначаецца, у Літве цяпер актыўна ствараецца новая пяхотная дывізія, у склад якой мае ўвайсці новы танкавы батальён, для якога і плануюцца масавыя закупкі танкаў.
Усяго плануецца выдаткаваць 2 мільярды еўра, што, на думку Будрыса, з'яўляецца рэкорднай сумай для Літвы ўвогуле.
Гэта стане адной з найбуйнейшых закупак Літвы — не толькі ў рамках войска, але і для нашай краіны ў цэлым. Гаворка ідзе пра два мільярды еўра, што складаецца не толькі з саміх танкаў, але і боепрыпасаў, лагістыкі, забеспячэння», — заявіў галоўны дарадца прэзідэнта Літвы Кястуціс Будрыс.
Нагадаем, што апроч Літвы стварэннем новага батальёна нядаўна зацікавілася Польшча. Гэты сапёрны батальён будзе займацца абаронай Сувалкскага калідора, вакол якога цяпер ідзе інфармацыйная шуміха з боку Расіі і Беларусі наконт яго магчымага захопу вагнераўцамі.
Цяпер чытаюць
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы11
Каментары