Адразу некалькі аўкцыённых дамоў выставілі на продаж карціны Марка Шагала. Самую дарагую з іх, «Палёт над горадам», паспрабуюць прадаць на вячэрнім аўкцыёне Sotheby's 13 лістапада за 12—18 млн даляраў, піша Office Life.
Тры работы мастака, які родам з Віцебска, будуць прадаваць і на наступны дзень, 14 лістапада, на дзённым аўкцыёне. Сярод гэтых карцін — La Fête au cirque («Свята ў цырку»). У 2017 годзе работа La Grand cirque («Вялікі цырк») з серыі карцін мастака, прысвечаных цырку, пайшла з малатка за 16 млн даляраў.
На сайце аўкцыённага дома Christie's з 11 па 24 кастрычніка праходзяць таргі сучаснага мастацтва — там прадстаўлена 12 работ мастака. Самая дарагая з іх — L'arlequin («Арлекін»). Аўкцыённы дом ацаніў яе ў 300—500 тысяч еўра.
У гэтым жа аўкцыённым доме з 17 па 30 кастрычніка праходзіць анлайн-аўкцыён творчасці Марка Шагала — там упершыню прадстаўлена 78 гравюр мастака, зробленых на працягу 60 гадоў. Аўкцыённы дом паведамляе, што яны, «на дзіва, у добрым стане».
Найдаражэй за ўсе ацэнена кніга Homère L'odyssée («Адысея» Гамера) з ілюстрацыямі мастака. Аўкцыённы дом Christie's ацаніў яе ў 50—70 тысяч даляраў.
Дзве карціны Шагала паспяхова прадалі на Sotheby's, а Суцін да таргоў не дайшоў
Беларускі мастак Андрэй Бусел стварыў мурал на плошчы Хаіма Суціна ў французскім Шампіньі-сюр-Вёд
У Парыжы з аўкцыёну прададуць карціны Шагала і Суціна
Карціну Марка Шагала выставілі на аўкцыён у Празе. Стартавая цана немалая
Цяпер чытаюць
Нам трэба лідар-атаман? Гісторык Цімох Акудовіч — пра стратэгію выжывання беларусаў і што рабіць з Расіяй11
Каментары