«Насельніцтва можна павялічыць проста як рухам чароўнай палачкі». Патрыярх Кірыл падзяліўся шляхам рашэння дэмаграфічнай праблемы
Патрыярх Кірыл заявіў, што забарона абортаў дапаможа павялічыць насельніцтва краіны «як рухам чароўнай палачкі». З такімі словамі кіраўнік РПЦ выступіў на пленарным пасяджэнні агульнацаркоўнага з'езда па сацыяльным служэнні.
«Сапраўды, мы маем патрэбу ў большай колькасці людзей, гэта факт відавочны, яго ўсе прызнаюць: і палітыкі, і сацыёлагі. Але каб гэта было так, хтосьці там павінен працаваць рэальна, каб павялічвалася насельніцтва.
А насельніцтва можна павялічыць проста як рухам чароўнай палачкі. Калі гэтую праблему вырашым, калі навучымся адгаворваць жанчын ад здзяйснення аборту, адразу статыстыка пойдзе ўверх», — упэўнены Кірыл.
Тым самым ён падтрымаў ініцыятыву шэрага расійскіх рэгіёнаў забараніць «схіленне жанчын да здзяйснення абортаў» і заклікаў распаўсюдзіць прынятыя рэгіёнамі законы на федэральны ўзровень. Дагэтуль падобныя законы прынялі ў Мардовіі і Цвярской вобласці.
Паводле Кірыла, часам з розных прычын, у тым ліку і камерцыйных, лекары схіляюць жанчыну зрабіць аборт, аднак гэта, як адзначыў патрыярх, з'яўляецца злачынствам.
Каментары