Вайна

Пад украінскім Хмяльніцкім дэтанавалі боепрыпасы на вайсковым палігоне

У Хмяльніцкім 31 ліпеня адбыліся магутныя выбухі, якія былі звязаныя з надзвычайным здарэннем на тэрыторыі вайсковага палігона. Паводле інфармацыі Генеральнай пракуратуры Украіны, там пачалася дэтанацыя боепрыпасаў, піша Украінская служба Бі-бі-сі.

Хмяльніцкі, 31 ліпеня. Выбухі ў горадзе бачна здалёк

Інцыдэнт адбыўся каля 11:55. У выніку пацярпелі чацвёра вайскоўцаў. Іх даставілі ў медыцынскую ўстанову, дзе ім аказваюць дапамогу. Наколькі цяжкія іх траўмы, пакуль высвятляецца. Акрамя таго, на момант паведамлення не было сувязі з некалькімі вайскоўцамі, якія знаходзіліся на тэрыторыі палігона.

Украінскія праваахоўнікі пачалі расследаванне і дапытваюць камандаванне і вайскоўцаў адпаведнай часці. Агледзець месца выбуху і правесці асноўныя следчыя дзеянні пакуль немагчыма, паколькі дэтанацыя працягваецца і тэрыторыя застаецца небяспечнай. Следства павінна высветліць, што менавіта стала прычынай здарэння.

Крымінальную справу распачалі паводле артыкула аб парушэнні правіл абыходжання са зброяй, боепрыпасамі і выбуховымі рэчывамі, калі гэта прывяло да траўмавання некалькіх чалавек.

Раней Сілы спецыяльных аперацый Украіны таксама пацвердзілі, што выбухі адбыліся на тэрыторыі палігона адной з вайсковых часцей у Хмяльніцкай вобласці. Паводле іх, спачатку адбыўся выбух, пасля чаго пачалася дэтанацыя боепрыпасаў.

Мэр Хмяльніцкага Аляксандр Сімчышын паведаміў, што ў выніку выбухаў былі пашкоджаныя некалькі жылых і камунальных будынкаў. Паліцыя ачапіла тэрыторыю, куды маглі разляцецца аскепкі. Жыхарам навакольных раёнаў рэкамендавалі заставацца ў сховішчах.

Першапачаткова мясцовыя ўлады паведамлялі толькі пра некалькі выбухаў і казалі, што пацярпелых няма. Відавочцы расказвалі пра моцныя выбуховыя хвалі, вялікія клубы дыму і пажар. Пасля асноўных выбухаў, паводле мясцовых паведамленняў, адбываліся і менш магутныя паўторныя дэтанацыі.

У сацыяльных сетках таксама з'явіліся паведамленні пра пашкоджаныя вокны і рамы ў жылых дамах. З-за сітуацыі часова змяняўся рух некаторых гарадскіх аўтобусаў.

Пры гэтым паветранай трывогі або паведамленняў пра расійскі абстрэл Хмяльніцкага ў гэты момант не было. Незадоўга да выбухаў абласныя ўлады паведамлялі пра планавую ўтылізацыю выбухованебяспечных прадметаў у Стараканстанцінаве, але гэты горад знаходзіцца больш чым за 40 кіламетраў ад Хмяльніцкага. Улады ўдакладняюць абставіны здарэння.

Каментары

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць