Па месцы рэгістрацыі Артура Фінькевіча таксама прыйшлі сілавікі
Яго няма ў Беларусі тры гады, а па месцы рэгістрацыі ён не жыве дзевяць гадоў.
«Сёння па адрасе маёй рэгістрацыі ў Менску прыходзілі сілавікі. На мяне заведзена некалькі крымінальных справаў. Мяне ў Беларусі няма 3 гады, не жыў па месцы рэгістрацыі каля 9 гадоў, ні рэчаў, ні маёмасці ў Беларусі не маю», — напісаў Артур Фінькевіч у сваім фэйсбуку.
Артур Фінькевіч у 2000-х быў адным з лідараў «Маладога фронту», адным з лідараў і заснавальнікаў руху «Маладая Беларусь». У 2001-2002 гадах удзельнічаў у абароне Курапатаў. У студзені 2006 года яго затрымалі перадвыбарчых графіці «Мы хочам новага!» і «Достал!». Артура абвінавацілі ў злосным хуліганстве псаванні дзяржаўнай маёмасці ў асабліва буйных памерах і далі два гады хіміі. Адбываў пакаранне ў Магілёўскай спекамендатуры №43, затым яго перавялі ў следчую турму №4 Магілёва. 20 снежня 2007 года быў асуджаны з ужываннем артыкула «рэцыдыў» на адзін год, 6 месяцаў і 15 дзён пазбаўлення волі ў калоніі агульнага рэжыму. 5 лютага 2008 году пад ціскам беларускай грамадскасці і сусветнай супольнасці быў вызвалены.
***
Сёння сілавікі прыйшлі з ператрусамі да некалькіх чалавек, звязаных з Каардынацыйнай радай, у тым ліку па месцы рэгістрацыі эканаміста Сяргея Чалага, кіраўніка руху «За свабоду» Юрася Губарэвіча, да родных супрацоўнікаў каманды Народнага антыкрызіснага ўпраўлення, у тым ліку Паўла Латушкі. Сілавікі ходзяць з пастановамі на вобшук па справах за «здраду дзяржаве» і па іншых крымінальных артыкулах.
Цяпер чытаюць
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома8
Каментары