Здарэнне адбылося сёння раніцай на вуліцы Ілімскай.
Каля 9:00 51-гадовы кіроўца пасажырскага аўтобуса «МАЗ», паблізу будынка №60 па вуліцы Ілімскай не справіўся з кіраваннем і ўрэзаўся ў 4 прыпаркаваныя аўтамабілі. Напэўна, яму стала дрэнна падчас руху, паведамляе ДАІ горада.
Кіроўца пасажырскага аўтобуса дастаўлены ў бальніцу для абследавання.
Дзяржаўтаінспекцыя нагадвае, што кіраваць транспартным сродкам у хваравітым або стомленым стане, які ставіць пад пагрозу бяспеку дарожнага руху, забаронена. У выпадку, калі кіроўца адчуў пагаршэнне самаадчування, неабходна спыніцца ў бяспечным месцы і адпачыць. Пры неабходнасці трэба выклікаць хуткую медыцынскую дапамогу.
Каментары