Мінабароны Расіі паведаміла пра знішчэнне 32 украінскіх дронаў над чатырма абласцямі
Паведамляецца, што ў ноч на 30 снежня расійскія сілы СПА знішчылі або перахапілі ўкраінскія беспілотнікі над тэрыторыямі Бранскай, Арлоўскай, Курскай і Маскоўскай абласцей.
Так, губернатар Белгарадскай вобласці Вячаслаў Гладкоў заявіў, што падчас атакі загінуў адзін чалавек, яшчэ чацвёра, уключаючы 10-гадовае дзіця, пацярпелі.
«Розныя разбурэнні зафіксаваныя ў 10 прыватных жылых домаўладаннях <…> Ёсць пашкоджанне сістэмы водазабеспячэння ў горадзе Белгарадзе. Аварыйныя брыгады на месцы», — піша РБК.
Мінабароны пазней паведаміла, што сродкі СПА знішчылі 13 рэактыўных снарадаў над Белгарадскай вобласцю. У «тэрарыстычнай атацы» Міністэрства абвінаваціла Кіеў.
Губернатар Аляксандр Багамаз таксама паведамляў пра атаку беспілотнікаў на Бранскую вобласць. Збітыя былі як мінімум шэсць з іх.
Нагадаем, што ўчора менавіта Украіна падвеглася самай масіраванай за апошнія месяцы атацы, у ходзе якой загінулі 18 чалавек.
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі42
Каментары