У чацвер прагназуюць невялікі снег, мокры снег, часам дождж. Днём у асобных раёнах завіруха. На дарогах слізка, вецер днём на большай частцы тэрыторыі краіны моцны парывісты.
Ноччу -4..+1°С, максімальная днём -2..+2°С, аднак у другой палове дня чакаецца паніжэнне тэмпературы паветра да -10°С.
Напрыклад, у Мінску ўначы, раніцай і днём чакаецца каля нуля. Аднак да вечара слупок тэрмометра апусціцца да мінус шасці градусаў.
У пятніцу канчаткова запануе халоднае паветра з Балтыкі. Чакаецца кароткачасовы снег, на асобных участках дарог галалёдзіца.
Ноччу -8..-14°С, пры праясненнях паветра будзе ахалоджвацца да -17°С; максімальная днём -5…-12°С. У Мінску ўначы да мінус 12°С, удзень -8..-10°С.
У суботу ўначы будзе ад -4°С па паўднёвым захадзе да -18°С па паўночным усходзе краіны максімальная днём -6..-13°С, у заходніх раёнах Беларусі -1..-5°С.
У Мінску раніцай мінус 13°С, удзень — -10..-12°С.
Каментары