Грамадства88

Галоўная доктарка мінскай бальніцы растлумачыла, чаму невялікія заробкі ў медыкаў — гэта добра

Галоўная доктарка мінскай Бальніцы хуткай медыцынскай дапамогі Вольга Святліцкая паспрабавала растлумачыць, чаму ў Беларусі не хапае медыкаў. Успомніла і пра невялікія заробкі — але раптоўна знайшла ў гэтым плюс.

Вольга Святліцкая. Скрыншот відэа Першага нацыянальнага канала Беларускага радыё

— У 2022 годзе The Lancet публікаваў, што не хапае 6,5 мільёна дактароў у свеце. А ўжо сёлета прагучала, што не хапае 14 мільёнаў дактароў. Гэта звязана з аб'ектыўнымі фактарамі змены свету, — сказала яна ў эфіры Першага нацыянальнага канала Беларускага радыё.

Святліцкая згадвае, што нядаўна да іх у бальніцу прыязджалі італьянцы і скардзіліся на тое, што італьянскія медыцынскія ўніверсітэты стаяць пустымі.

— Казалі, што маладыя італьянцы не жадаюць станавіцца лекарамі. На наша здзіўленае пытанне — гэта ж адна з такіх добрых краін, дзе хацелася б быць доктарам і атрымліваць шмат грошай — яны адказалі, што не. Сёння дастаткова шмат спецыяльнасцей, дзе з меншай доляй адказнасці можна атрымліваць больш грошай.

Вольга Святліцкая падкрэсліла, што ў медыцыне высокая доля адказнасці. Яна прызнала, што людзі не хочуць працаваць у гэтай сферы па аб’ектыўных прычынах.

Але ж знайшла яна і плюс у тым, што ў беларускіх медыкаў невялікія заробкі:

— Цешыць тое, што той, хто застаецца цяпер у медыцыне ці хто прыходзіць цяпер у медыцыну, шчыры. Гэта тыя людзі, якія маюць высокую духоўнасць. Гэта значыць, тыя, хто хацеў сысці па грошы, ён сышоў.

А тыя, хто застаўся, яны хочуць лячыць, хочуць дапамагаць людзям. І ведаеце, такі селектар таксама ў нечым і нядрэнны.

Каментары8

  • Для тупых
    09.02.2024
    А ў яе які заробак?
  • Belarus
    09.02.2024
    чарговая хлуслівая чыноўніца "эта карашо что мала плацят ...." ужо раней дуркаватая качанава казала "ну за что платіть молодому тренеру - ему 100 долларов в месяц  і хватіт"
  • Satan
    09.02.2024
    Дыыаа. Те, кто остался, тоже бы уехали, но никак не могут денег на переезд со своей з/п собрать. А еще сверхурочные... 12ч в сутки... языки иностранные учить времени нет. Поспать бы.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Пайшоў з жыцця 32-гадовы Максім Чарняўскі — заснавальнік суполкі «Надакучыў нам гэты Лукашэнка» пачатку 2010-х22

Пайшоў з жыцця 32-гадовы Максім Чарняўскі — заснавальнік суполкі «Надакучыў нам гэты Лукашэнка» пачатку 2010-х

Усе навіны →
Усе навіны

Даляр упаў на тры капейкі

Расійскія сімкі шмат каго з беларусаў заблакуюць, а аўтобусы ў Піцер застануцца без Wi-Fi16

Саакашвілі прыгаварылі яшчэ да чатырох з паловай гадоў турмы3

Расія патрабуе «жалезабетонных гарантый» неўступлення Украіны ў НАТА9

Рэлаканты ў Літве заплацяць двойчы? Разбіраемся, як жыць без пагаднення аб падатках8

На адным з мінскіх пляжаў з’явяцца подыумы для загару

На Даўгінаўскім тракце перакуліўся аўтамабіль. Людзі самі вылезлі з яго

Дзяржсакратар ЗША расказаў пра два планы вырашэння канфлікту ва Украіне10

У Беларусь прыляцелі першыя буслы2

больш чытаных навін
больш лайканых навін

Пайшоў з жыцця 32-гадовы Максім Чарняўскі — заснавальнік суполкі «Надакучыў нам гэты Лукашэнка» пачатку 2010-х22

Пайшоў з жыцця 32-гадовы Максім Чарняўскі — заснавальнік суполкі «Надакучыў нам гэты Лукашэнка» пачатку 2010-х

Галоўнае
Усе навіны →

Заўвага:

 

 

 

 

Закрыць Паведаміць