Пажар у Ikea ў Вільні ажыццявілі падлеткі з Украіны па замове расійскіх спецслужбаў
Вясной мінулага года ў Ikea ў Вільні адбыўся пажар. Сёння паліцыя паведаміла, што гэта быў тэракт — выбухоўку падклалі двое падлеткаў, завербаваных расійскімі спецслужбамі. Справа перададзена ў Віленскі акруговы суд, піша Delfi.lt.
Галоўны пракурор Дэпартамента расследавання арганізаваных злачынстваў Генпракуратуры Артурас Урбяліс паведаміў, што справа аб тэракце ў сталіцы Літвы перададзена ў суд.
У ходзе расследавання высветлілася, што да злачынства датычныя двое маладых людзей да 20 гадоў. Абодва — грамадзяне Украіны. «Адзін з іх — непаўналетні», — адзначыў Урбяліс.
У Літве яму прад'яўлены абвінавачванні ў арганізацыі тэракту і незаконным захоўванні выбухоўкі. Другога затрымалі ў Польшчы, яго будуць судзіць там.
Былі выяўлены пасярэднікі і арганізатары — расійскія спецслужбы.
«Сабраныя даныя дазволілі зрабіць выснову, што арганізатары — расійская ваенная разведка. У гэтым кірунку расследаванне працягваецца», — заявіў Урбяліс.
Па яго словах, Ikea была выбрана невыпадкова, бо гэтая сетка пакінула рынак Расіі.
У выніку пажару 9 мая была нанесена шкода на 485 519 еўра.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары
Это будет логичным и справедливым ответом на недружественные действия граждан Украины по заказу от граждан России.
Только новые еще большие ограничения в отношении белорусов способны спасти Литву!
Даёшь новые санкции для Беларуси и белорусов!