«У кабіне цягніка абразіў Лукашэнку». Машыніст электрычкі атрымаў два гады «хіміі» за каментары ў тэлеграме
У судзе Стаўбцоўскага раёна асудзілі Дзяніса Носава паводле ч. 1 арт. 368 (абраза Лукашэнкі). Суддзя Таццяна Семянкевіч прызначыла Дзянісу два гады абмежавання волі («хіміі»).
Жыхара пасёлка Новы Свержань абвінавацілі ў тым, што ён, знаходзячыся на працоўным месцы ў кабіне прыгараднай электрычкі, напісаў пад публікацыяй у тэлеграм-канале каментар у бок Лукашэнкі, які суд палічыў абразлівым, піша «Вясна».
Падчас працэсу апыталі сведку, памочніка машыніста, які паведаміў, што Дзяніс Носаў не паведамляў яму пра напісаны каментар.
Пасля абвяшчэння прысуду мужчыну вызвалілі ў зале суда. У яго канфіскавалі тэлефон «як сродак здзяйснення злачынства».
Дзяніс Семянкевіч мае сярэдне-спецыяльную адукацыю і працуе машыністам электрацягніка рэгіянальных ліній у Мінску.
Каментары
Дзяржаўны рэкет.