Выстава HETK (Момант) запрашае людзей задумацца, за што яны могуць быць удзячныя ў сучасным нетрывалым свеце, тлумачаць мастакі Эстукін і Рэбека Парбус.
У Эстоніі мастакі стварылі білборды з выявамі Таліна ў руінах, нагадваючы аб тым, што вайна можа дайсці да Еўрапейскага Саюза.
«Разважаючы пра тое, наколькі нестабільны наш свет у гэты момант, я зразумела, што ўспрымала ўсё навокал як належнае. Ад свабоды і незалежнасці да ежы на стале і даху над галавой. Ёсць за што быць удзячнымі», — сказала Парбус.
Выставу пад назвай Hetk, што ў перакладзе з эстонскага азначае «момант», можа ўбачыць кожны, без неабходнасці наведвання галерэі. Работы мастакоў будуць дэманстравацца да 3 сакавіка.
У першы дзень працы выставы выявы разбуранага Таліна выклікалі палярныя рэакцыі карыстальнікаў сацыяльных сетак. Некаторыя мастакоў пахвалілі, назваўшы выяву «моцнымі працамі», а некаторыя былі вельмі незадаволеныя. Апошнія заявілі, што такія выявы зʼяўляюцца «парушэннем этычных норм», што такія кадры «нельга паказваць дзецям», што гэта «нагнятанне», «правакацыя».
Работы зʼявіліся ў краіне ЕС на фоне так званай «стомленасці ад вайны» ва Украіне. Таксама выстава зʼяўляецца нагадваннем таго, што Эстонія мяжуе з краінай-агрэсаркай.
У мінскім метро праходзяць выпрабаванні новыя цягнікі ФОТЫ3
Каментары