У панядзелак віцебская грамадскасць збіраецца на пасяджэнне аргкамітэта, дзе будуць вырашаць, як бараніць Каваленку.
У суботу, 9 студзеня, быў затрыманы знаёмы Сяргея Каваленкі актывіст «Маладой Беларусі» Тарас Сурган. Ён затрыманы быў у той момант, калі выносіў з хаты смецце.
Пра гэта НН паведаміў Павел Севярынец.
Тараса адвезлі ў Кастрычніцкі РУУС Віцебска, зазначыў Севярынец.
Нагадаем, што актывіст КХП – БНФ Сяргей Каваленка быў затрыманы 7 студзеня пасля таго, як узняў бел-чырвона-белы сцяг на галоўнай ялінцы Віцебска. Ён змешчаны ў ізалятар часовага ўтрымання, у дачыненні да актывіста заведзена крымінальная справа.
Сёння таксама актывісты «Еўрапейскай Беларусі» перад будынкам Кастрычнікага РУУСа павесілі расцяжку «Свабоду Каваленку».
У панядзелак, 11 студзеня, віцебская грамадскасць збіраецца на пасяджэнне аргкамітэта, дзе будуць вырашаць, як бараніць Каваленку.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс17
Каментары