У Мінску прадаюць элітную кватэру з відам на плошчу Перамогі. Колькі просяць?
У сталіцы выстаўлена на продаж двухпакаёўка ў будынку з надпісам «Подвиг народа».
![](http://nashaniva.com/img/w732d4webp1/photos/z_2024_04/-9s6i6.jpg.webp)
Агульная плошча кватэры, якая прадаецца па адрасе праспект Незалежнасці, 37, — 50,7 м². Месціцца яна на 4-м паверсе 5-павярховага дома 1946 пабудовы. Вышыня столяў складае 3 метры.
Паколькі адна сцяна дома паўкруглая, а кватэра вуглавая, гасцінны пакой у ёй мае незвычайную форму. Памяшканне прахадное, яго плошча 18,7 м².
![](http://nashaniva.com/img/w732d4webp1/photos/z_2024_04/04d9d45f4a-wh1vb.jpg.webp)
Спальны пакой мае плошчу 9,7 м², кухня яшчэ на «квадрат» меншая — 8,7 м². Гэтыя памяшканні хоць і малыя, але маюць правільную форму.
Чаго нельга сказаць пра санвузел і гардэробны пакой.
![](http://nashaniva.com/img/w732d4webp1/photos/z_2024_04/mycollages33-d65fd.jpg.webp)
У кватэры драўляная падлогі і падаконнік. Прадаецца без мэблі і тэхнікі за выключэннем кухні, якая выканана ў класічным стылі.
![](http://nashaniva.com/img/w732d4webp1/photos/z_2024_04/mycollages32-oxcxk.jpg.webp)
У апісанні пазначана, што перапланіроўка кватэры ўзаконеная, а само памяшканне цалкам прыдатнае для пражывання. Просяць за кватэру з відам плошчу Перамогі 120 400 даляраў. Гэта па $2 375 за квадрат пры сярэднім кошце квадрата ў Мінску $1368.
Каментары
фалічным сімваламабеліскам ?