Грамадства11

«Рабіў мэблю для яхт, звольніўся»: падрабязнасці знікнення таты Лізы з Мазыра, якой беларусы сабралі на самыя дарагія лекі ў свеце

Тыдзень таму ў Польшчы знік мазырчук Сяргей Церабавец. Гэта тата дзяўчынкі Лізы, якой не так даўно беларусы сабралі 1,8 мільёна даляраў на самыя дарагія лекі ў свеце. «Наша Ніва» высветліла ў знаёмых сям’і некаторыя падрабязнасці гэтай гісторыі.

Сяргей Церабавец з дачкой. Фота з яго старонкі ва Укантакце

Апошнім часам Сяргей Церабавец працаваў у Польшчы. Ён — сталяр-станочнік, і знайшоў у суседняй краіне працу па спецыяльнасці: рабіў мэблю для яхт.

Мужчына звольніўся з працы і павінен быў вярнуцца да жонкі і дзяцей (акрамя Лізы ў сям'і ёсць яшчэ два старэйшыя хлопчыкі), але беларускую мяжу так і не перасёк.

Апошні раз Сяргея бачылі ў Гданьску (там ён жыў і працаваў) на аўтавакзале PKS Gdańsk. Адтуль ён меў ехаць на аўтобусе ў Мінск. Ці сеў мазырчук у выніку ў аўтобус, сям'я не ведае.

Ягоная жонка Людміла выказвае сябрам спадзяванне, што Сяргей можа быць у Варшаве.

Польская паліцыя займаецца пошукам беларуса.

Сяргею 41 год, ягоны рост 170 сантыметраў, ён хударлявы. Валасы цёмна-русыя з сівізной, вочы карыя. На правай руцэ ў яго татуіроўка «за вас». Тых, хто нешта ведае пра Сяргея Церабаўца, просяць паведаміць яго жонцы.

Паведамленне з просьбай аб дапамозе ў пошуках Сяргея Церабаўца. Скрыншот са старонкі @liza_sma_sos

5 красавіка адбылося тое, чаго ўся сям'я чакала і дзеля чаго працавала доўгі час — Лізе, якая мела дыягназ спінальна-мышачная атрафія 2 тыпу, зрабілі ін'екцыю Zolgensma. Цяпер дзяўчынка аднаўляецца пасля медыцынскай маніпуляцыі.

UPD. Сяргей Церабавец знайшоўся ўранку 18 красавіка. Мы паведамім падрабязнасці, калі яны стануць вядомыя.

Каментары1

  • прям смешно...
    18.04.2024
    на вокзале камеры, в автобусе камеры, неужели не видно был он в автобусе или нет?

Цяпер чытаюць

Ці пагражае Крыму блакада праз паралізаваны Крымскі мост?10

Ці пагражае Крыму блакада праз паралізаваны Крымскі мост?

Усе навіны →
Усе навіны

Крымскі мост зруйнаваны ўдарам украінскіх ракет51

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой4

У Камышавасе завяршыўся пошук цел. У выніку расійскага ўдару там загінулі 72 чалавекі

«Госпадзе, такое трызненне!» Усё больш беларусак пішуць, што ім званілі з міліцыі і пыталіся, ці жывыя яны2

Падлеткі п'юць лекі ад раку, каб стаць вышэйшымі. Дактары б'юць трывогу

Нямецкія футбольныя клубы пачалі абмяжоўваць смартфоны на стадыёнах

Расія атакавала балістычнымі ракетамі Паўночны і Паўднёвы масты Кіева2

У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае2

Былая жонка буйнога беларускага бізнэсмена прысвяціла разводу мастацкую выставу: з выкарыстанымі прэзерватывамі12

больш чытаных навін
больш лайканых навін

Ці пагражае Крыму блакада праз паралізаваны Крымскі мост?10

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць