У ноч на 10 чэрвеня ўдзельнікі шэсця на чале з архіепіскапам Багратам Галстанянам акружылі будынак парламента. Там адбыліся лакальныя сутычкі паміж мітынгоўцамі і паліцэйскімі.
У Ерэване прыхільнікі руху «Тавуш у імя Радзімы» разбілі палаткі перад будынкам парламента і правялі там ноч, паведамляе «Настоящее время»
У ноч на 10 чэрвеня ўдзельнікі шэсця на чале з архіепіскапам Багратам Галстанянам акружылі будынак парламента. Там адбываліся лакальныя сутычкі паміж мітынгоўцамі і паліцэйскімі. Пазней частка ўдзельнікаў акцыі адправілася да ўрадавых лецішчаў на вуліцы Прашана, дзе іх таксама сустрэлі атрады сілавікоў.
Пад раніцу абедзве групы аб'ядналіся перад будынкам парламента. Зараз скрыжаванне перад будынкам парламента было перакрытае мітынгоўцамі, там разбілі палаткі.
Мітынг арганізаваў рух «Тавуш у імя Радзімы». Кіраўнік аб'яднання і кіраўнік Тавушскай епархіі Армянскай апостальскай царквы архіепіскап Баграт Галстанян заклікаў грамадзян пачаць у панядзелак акцыю непадпарадкавання і мітынгаваць на працягу 96 гадзін, каб «навязаць сваю волю» уладам.
«Мы павінны разам прыняць рашэнне, мы зможам вырашыць праблему, калі будзем знаходзіцца на вуліцы чатыры дні, 96 гадзін без перапынку, без сну, не выходзячы на працу», — заклікаў Баграт.
Ён звярнуўся да фракцый Нацыянальнага сходу з патрабаваннем ініцыяваць 11 чэрвеня сустрэчу, на парадку якой будзе адстаўка ўрада на чале з Ніколам Пашынянам і фармаванне новага Кабінета.
Падставай для мітынгаў у Арменіі сталі тэрытарыяльныя саступкі Азербайджану, якому Арменія паабяцала перадаць некалькі прыгранічных вёсак. Бакі падпісалі дакументы аб дэлімітацыі ў канцы красавіка. Працэдура вызначэння становішча межаў павінна была пачацца ў чатырох вёсках у Тавушскім рэгіёне.
Са слоў навуковага супрацоўніка Інстытута прыкладной палітыкі Арменіі Сяргея Мелканяна, гаворка ідзе пра вёскі, дзе праз сутыкненні на армяна-азербайджанскай мяжы ніхто не жыве з 1980-х. Яны знаходзяцца ў нейтральнай зоне паміж пазіцыямі армій дзвюх краін.
Пратэстоўцаў раздражняе пазіцыя Нікола Пашыняна і яго ўрада, які пад ціскам Азербайджана і асцерагаючыся новай вайны ідзе на тэрытарыяльныя саступкі ў аднабаковым парадку.
-
Трамп прымае вялікую дозу аспірыну для разрэджвання крыві. Праз гэта ў яго лёгка з'яўляюцца сінякі
-
Каля 40 чалавек загінулі, больш за 100 з траўмамі. Ахвяры страшнага пажару на раскошным альпійскім курорце
-
23‑гадовага ўкраінца затрымалі ў Варшаве з глушылкай — ён звярнуў на сябе ўвагу тым, што гадзінамі праседжваў у кавярні ў аэрапорце
«Запускайце далей салюты, а я выклічу міліцыю». Беларусы спрачаюцца пра забарону на феерверкі2
Каментары