Грамадства11

Буйныя паборы, якія здзіраюць з людзей за зробленыя данаты, ідуць на Рэспубліканскі цэнтр арганізацыі медыцынскага рэагавання. Што за ён?

Выданне «Люстэрка» даведалася, што калі раней «кампенсацыі» за зробленыя данаты трэба было пераводзіць на рахункі РНПЦ, дзіцячых дамоў ці хоспісаў, то цяпер у плацёжках усё часцей фігуруе адзін і той жа атрымальнік — «Рэспубліканскі цэнтр арганізацыі медыцынскага рэагавання». Што гэта за ўстанова?

Рэспубліканскі цэнтр арганізацыі медыцынскага рэагавання знаходзіцца ў адным будынку з Міністэрствам аховы здароўя. Фота: Яндэкс-Карты

На сайце цэнтра ягоныя задачы апісваюцца даволі туманна: «кансультатыўная спецыялізаваная медыцынская дапамога».

Вядома, што сярод іншага гэты цэнтр займаецца санітарнай авіяцыяй — перавозкай цяжкахворых людзей. Менавіта ён у 2021 годзе эвакуяваў з Егіпта на радзіму беларуса, які пацярпеў пры няшчасным выпадку. Дыспетчарскі аддзел працуе кругласутачна і гатовы аказваць экстранную дапамогу. Праўда, паслугі перавозкі часцей за ўсё платныя.

«Рашэнне аб бязвыплатнай транспарціроўцы прымаецца на ўзроўні кіраўніка кампетэнтнага органа дзяржаўнага кіравання ў выключных выпадках», — гаворыцца на сайце МЗС. 

Цяперашні кіраўнік Цэнтра арганізацыі медыцынскага рэагавання — Дзмітрый Альховік, былы вайсковец. Раней ён займаў пасаду начальніка вайскова-медыцынскага ўпраўлення Міністэрства абароны. Менавіта ён у свой час паказваў на тэлебачанні беларускую вайсковую аптэчку, якую Лукашэнка запатрабаваў зрабіць «лепш за натаўскую».

Дзмітрый Альховік. Фота: ctv.by

Дарэчы, менавіта Цэнтр арганізацыі медыцынскага рэагавання быў у свой час атрымальнікам дапамогі, якую выдзялялі ў Беларусі на барацьбу з кавідам — як унутры краіны, так і з-за мяжы. Усяго ў 2020 годзе на рахунак цэнтра прыйшло дапамогі на суму больш за 73 мільёны беларускіх рублёў і яшчэ больш за 87 мільёнаў — у наступныя два гады. У іх ліку — сродкі індывідуальнай абароны, лекі і вакцыны.

Цэнтр часткова публікуе справаздачы пра свае выдаткі на сайце — аднак там ёсць інфармацыя толькі пра бязвыплатную дапамогу з-за мяжы. Каб даведацца дакладнае прызначэнне канкрэтнага дабрачыннага плацяжу грамадзяніна, супрацоўнікі прапануюць прыйсці з квітанцыяй аб аплаце.

Адносна ж таго, куды ідуць грошы, якія цяпер прымусова забіраюцца ў людзей на карысць гэтай арганізацыі, у ёй самой журналістцы «Люстэрка» адказалі:

«Гэты рахунак адкрыты для ўмацавання матэрыяльна-тэхнічнай базы ўстаноў аховы здароўя. На гэты момант мы ўжо купілі перасоўны ФАП для Верхнядзвінскай бальніцы. У нас у планах рамонты розных дзіцячых аддзяленняў. Мы купляем розным арганізацыям абсталяванне, рамонты робім, усё, што неабходна.

Яны пішуць заяўкі ў Міністэрства аховы здароўя, міністэрства разглядае, і тады з іх дазволу мы пералічваем грошы або купляем самі для арганізацыі, якой гэта неабходна. Мы на сябе не трацім, у нас няма куды траціць, у нас ложкаў няма. Нашы прафесары-дацэнты ездзяць, кансультуюць цяжкахворых пацыентаў».

Каментары1

  • Рыгорка
    19.06.2024
    Няма розніцы, куды лукашысцкія бандыты з губазіку альбо КДБ цынічна прымушаюць ахвяр іхнага тэрору пералічваць грошы, бо гэта дазваляе выдаткаваць больш грошаў падаткаплатнікаў для іхнага утрымання. Любы падобны прымус - гэта рабаванне, таму гэтыя грошы мусяць быць вернутыя.

Як за 20 кіламетраў ад Беларусі праходзіць фестываль Tutaka ШМАТ ФОТА4

Як за 20 кіламетраў ад Беларусі праходзіць фестываль Tutaka ШМАТ ФОТА

Усе навіны →
Усе навіны

«Аказваецца, і на тым баку ёсць людзі». Маці Івана Падрэза ўсё ж не высяляюць6

Па Мсціслаўскім раёне пранёсся моцны ўраган

У Беларусі ўжо +37,5°С. У сервісе дастаўкі прадуктаў знікла папулярная мінеральная вада1

51 нобелеўскі лаўрэат заклікаў неадкладна спыніць вайну ва Украіне і канфлікт у сектары Газа13

У гонар беларускага байца назвалі вуліцу ва ўкраінскім Канатопе1

Буданаў пра пагрозу наступу РФ з поўначы: Катастрофы няма, але не бачыць праблем не атрымаецца2

Заўтра ў Беларусі будзе да +35°С, але ў Мінску «ўсяго» +30°С3

Прынцэса Кейт Мідлтан наведае фінал Уімблдона ў нядзелю1

Міністарка спорту Францыі за два тыдні да Алімпіяды выкупалася ў Сене, ледзь не паслізнуўшыся на прыступках ВІДЭА1

больш чытаных навін
больш лайканых навін

Як за 20 кіламетраў ад Беларусі праходзіць фестываль Tutaka ШМАТ ФОТА4

Як за 20 кіламетраў ад Беларусі праходзіць фестываль Tutaka ШМАТ ФОТА

Галоўнае
Усе навіны →