32-гадовую мінчанку абвінавачваюць у тым, што яна стварыла сетку прастытуцыі
Следчы камітэт завёў крымінальную справу аб занятку прастытуцыяй у сталіцы. Фігурантка — 32-гадовая дзяўчына.
Паводле версіі следства, спачатку яна сама аказвала сэксуальныя паслугі за грошы, а затым пачала прыцягваць да падобнага бізнэсу сваіх знаёмых.
— «Работадаўца» размяшчала на сайтах знаёмстваў анкеты з фатаграфіямі сябровак у ніжняй бялізне, вяла перапіску з кліентамі ад іх імя, агаворваючы ўмовы сустрэч, у тым ліку месца і кошт. З улікам належнай ёй долі яна атрымлівала матэрыяльную выгаду ў памеры 30% і 50% ад заробку кожнай «падапечнай».
Грашовыя сродкі яна атрымлівала наяўнымі або праз перавод на банкаўскую картку. На працягу года пад кіраўніцтвам прадпрымальнай мінчанкі інтымныя паслугі аказвалі дзевяць дзяўчат. Следства ўстанавіла больш за сто эпізодаў злачыннай дзейнасці абвінавачанай, — перадае Следчы камітэт.
На допыце абвінавачаная прызналася, што арганізавала занятак прастытуцыяй з-за фінансавых праблем.
Заведзена крымінальная справа па ч. 2 арт. 171 (арганізацыя і выкарыстанне занятку прастытуцыяй асобай, раней здзейсніўшай аналагічнае злачынства). Дзяўчына змешчана пад варту. Расследаванне працягваецца.
Цяпер чытаюць
«Чакаем у Мінску +1 славутасць!» Блогераў прывезлі ў былую турму на Валадарскага5
«Чакаем у Мінску +1 славутасць!» Блогераў прывезлі ў былую турму на Валадарскага
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары