Дайшло да 395 балаў з 400.
Самы высокі прахадны бал ва ўніверсітэты на бюджэт сёлета дасягнуў 395. Такім ён быў на спецыяльнасці «сусветная эканоміка» ў БДУ, «стаматалогія» ў БДМУ і «праграмная інжынерыя» ў БДУІР, паведамляе sb.by са спасылкай на начальніка Галоўнага ўпраўлення прафесійнай адукацыі Мінадукацыі Сяргея Пішчова.
У топ-5 спецыяльнасцяў па прахадным бале ўвайшлі яшчэ дзве ў БДУ: «эканамічная інфарматыка» (394 балы) і «прыкладная інфарматыка» (391 бал).
У 2023 годзе максімальны прахадны бал на бюджэтнае навучанне быў на спецыяльнасць «міжнароднае права» ў БДУ — 398 з 400.
На бюджэт у ВНУ сёлета залічылі каля 30 тыс. абітурыентаў. Гэта на 2,5 тыс. больш, чым у мінулым.
Дакументы прымалі 42 універсітэты. На бюджэтныя месцы падалі заявы 40,7 тыс. чалавек, сярод іх — 4,6 тыс. мэтавікоў.
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс15
Каментары