Літва перадасць Украіне комплексы СПА малой далёкасці. У планах таксама — перадаць 5000 дронаў да зімы
Прэм'ер-міністр Літвы Інгрыда Шыманіце анансавала новы пакет вайсковай дапамогі з комплексамі СПА і іншым абсталяваннем, які павінен паступіць ва Украіну да пачатку верасня.
Пра гэта яна сказала на прэс-канферэнцыі ў Кіеве з прэзідэнтамі Украіны і Польшчы Уладзімірам Зяленскім і Анджэем Дудам, паведамляе «Еўрапейская праўда».
Са слоў Шыманітэ, пазіцыя Літвы ў вайне выразная і простая: Украіна павінна выйграць, Расія павінна прайграць.
«На нашай сустрэчы сёння я праінфармавала прэзідэнта Зяленскага, што найноўшы пакет вайсковай дапамогі ад Літвы паступіць ва Украіну да пачатку верасня.
Ён будзе ўключаць комплексы СПА малой далёкасці, ракеты, супрацьдроннае і іншае абсталяванне, зброю і боепрыпасы», — удакладніла прэм'ер Літвы.
Акрамя таго, адзначыла яна, Літва размясціла 35 мільёнаў еўра на закупку радараў і абсталявання для размініравання для Украіны.
«Да канца восені мы спадзяемся, што зможам таксама перадаць больш за 5 тысяч дронаў літоўскай вытворчасці», — сказала таксама Шыманіце.
Раней у жніўні пад Кіевам адбыліся паўторныя выпрабаванні баявых беспілотнікаў літоўскай вытворчасці ў прыфрантавых умовах.
Гэтыя выпрабаванні былі арганізаваны для таго, каб Украіна магла выбраць прадукцыю, якая лепш за ўсё адпавядае патрэбам украінскіх вайскоўцаў.
Пяць літоўскіх вытворцаў баявых беспілотнікаў паспяхова завяршылі выпрабаванні і будуць запрошаны да прадстаўлення канчатковых прапаноў і заключэння кантрактаў на вытворчасць беспілотнікаў.
Плануецца перадаць Украіне беспілотнікі літоўскіх вытворцаў на суму 5 млн еўра, а таксама закупіць такую ж тэхніку для Узброеных сіл Літвы.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне13
Каментары