Свет66

Дочкі Кадырава лёталі ў Еўропу па пашпартах на іншае прозвішча

Пра паездкі трох дачок кіраўніка Чачні стала вядома з базы перасячэння межаў, піша «Агенство».

Рамзан Кадыраў. Скрыншот з відэа ягонай прэс-службы. 22 красавіка 2024 года

Дочкі Рамзана Кадырава Карына, Табарык і Хедзі Кадырава ездзілі ў Еўропу пад іншым прозвішчам.

У 2017 годзе — да таго часу іх бацька ўжо быў пад санкцыямі ЕС — яны лёталі ў Парыж на бізнэс-джэце Кадырава Airbus ACJ319. Усяго на борце, згодна з уцечкай, быў як мінімум 21 чалавек.

Карына, Табарык і Хедзі выкарыстоўвалі пашпарты на прозвішча Мусаева. Пры гэтым у дакументах у іх было імя па бацьку Рамзановна і сапраўдныя даты нараджэння. Усе тры пашпарты, якія выкарыстоўвалі дочкі Кадырава, да гэтага часу лічацца як дзейсныя.

Тады ж на борце была Фаціма Хазуева, другая жонка Кадырава. У Парыж лётала і дачка Хазуевай Ашура, якая выкарыстоўвала дакументы з прозвішчам маці. Кадыраў называе яе дачкой першай жонкі Медні, а з паведамленняў чачэнскіх уладаў вынікае, што яна носіць прозвішча кіраўніка Чачні.

На борце таксама быў начальнік Цэнтра гаспадарчага і сэрвіснага забеспячэння МУС Чачні Раман Сулейманаў, а таксама афіцэр САХР «Церак» Масвар Адалаеў — іх Кадыраў называў «дарагімі братамі».

Яшчэ адна дачка Кадырава Айшат кіруе модным домам Firdaws, які праводзіў паказы ў тым ліку ў Парыжы. Той жа бізнэс-джэт як мінімум аднойчы, у 2020 годзе, лётаў у французскую сталіцу ў дзень паказу Firdaws.

Рамзан Кадыраў трапіў пад еўрапейскія санкцыі яшчэ ў 2014 годзе, у 2017-м яго ўключылі ў санкцыйны спіс ЗША. У 2022 годзе пад еўрапейскія санкцыі таксама трапілі ягоныя дочкі Айшат і Карына, а ЗША ўвялі санкцыі і супраць ягоных трох жонак — Медні Кадыравай, Фацімы Хазуевай, Амінат Ахмадавай, а таксама Firdaws. У 2023 годзе амерыканскія санкцыі ўвялі супраць маці Кадырава Аймані, у 2024 годзе яна трапіла і пад санкцыі ЕС.

Каментары6

  • Хахаха
    28.08.2024
    Катаюцца па падробленых дакументах, а гэтыя дурні толькі беларусаў шчымяць
  • Кастусь
    28.08.2024
    Хахаха, якiя гэтыя?
  • Ганьба
    28.08.2024
    Святлана, як зноў паедзеце, перадайце гарачае прывітанне Еўропе, якая так прам клапоціцца, каб не закрываць перад беларусцамі брамы ў свабодны свет.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае

Усе навіны →
Усе навіны

Як звесці рызыку інфаркту да мінімуму?

Беларус надрукаваў на 3D-прынтары пісталет-кулямёт2

Азараў расказаў, чым будзе займацца яго дэтэктыўнае бюро «Рэкс»6

Чарговы скандал з адміністрацыяй Трампа: журналісты знайшлі ў інтэрнэце персанальныя даныя топ-чыноўнікаў4

«Мой заробак у Польшчы вырас у дзесяць разоў» — гінеколаг Ганна Каско49

Міністр абароны Літвы: Няма гарантыі, што вайскоўцы ЗША ў машыне — правяраюцца і іншыя версіі1

Каля новай станцыі метро хочуць знесці прыватны сектар і двухпавярхоўкі. Мінчан клічуць на абмеркаванне5

У Мінску з'явіліся электрасамакаты «Яндэкс Go»

Удзельніцам «Міс Беларусь» дазволілі мець татуіроўкі і пірсінг4

больш чытаных навін
больш лайканых навін

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае

Галоўнае
Усе навіны →

Заўвага:

 

 

 

 

Закрыць Паведаміць