Атракцыён не па ўзросце. У Гродне ратавальнікі выцягвалі дзяўчынку з вулічнага трэнажора
Нага 9-гадовай дзяўчынкі захрасла ў металічнай канструкцыі, якая не прызначана для выкарыстання дзецьмі.
Інцыдэнт адбыўся ўчора на дзіцячай пляцоўцы па вуліцы Урублеўскага.
Відавочцы адразу выклікалі ратавальнікаў. Супрацоўнікі МНС хутка супакоілі дзіця і вызвалілі нагу з дапамогай спецыяльнага інструмента. Пасля агляду медыкаў дзяўчынку даставілі ў бальніцу для абследавання, аднак сур'ёзных траўм не знайшлі, і неўзабаве яна была адпушчана дадому.
У Беларусі вулічныя трэнажоры вельмі часта без разумення размяшчаюць побач з дзіцячымі пляцоўкамі. Гэта прыводзіць да таго, што дарослыя людзі не могуць скарыстацца імі па прызначэнні, бо яны ўвесь час заняты дзецьмі, якія ўспрымаюць іх як чарговы атракцыён. Аднак любыя трэнажоры маюць абмежаванні па ніжнім узросце, а таму з'яўляюцца небяспечнымі для дзяцей.
Дзяржаўныя сацыёлагі: Беларусы найперш звязваюць сваю дзяржаўнасць з Вялікім Княствам Літоўскім19
Каментары
Ну і людзі яшчэ старое фармацыі, ня датрымліваюцца статутаў камуністычнага обшчежытія
Трэнажоры вулічныя заўсёды ражно. Як і ўсё дэфікаванае дзяржабай, яны не надаюцца на карыстаньне ня тое, каб дзецьмі, але наагул.
Мала таго, дзяржпаслугі, яны ў сутнасьці сваёй, хаця дэкляратыўна дармовыя, але з найсуворайшым цэнзам каб скарыстацца. Фор ыкзампыл, лекар: пашпарт, належнасьць да дзяльніцы (ўчастку), пялюшка, агляд гінэколяга, ўшмандавацца ад павідлы і так далей, і так далей