Паглядзелі, як выглядае і колькі каштуе такая вялізная кватэра.
Двухузроўневая васьміпакаёўка знаходзіцца па суседстве з «Домам Чыжа». Дакладны адрас — Старажоўская, 8. Агульная плошча кватэры — 265 «квадратаў». Месціцца яна на 11 і 12 паверхах дома 1997 года пабудовы.
Самы вялікі пакой у кватэры — двухузроўневая гасцёўня плошчай 33 м². Кухня мае плошчу 22 м². На кожным паверсе вельмі прасторныя калідоры па 37 і 33 «квадраты» адпаведна.
У кватэры два санвузлы памерам 8 м², яны знаходзяцца па цэнтры кожнага паверху.
З кухні на першым паверсе і з хола на другім можна выйсці на прасторную лоджыю.
Ацаніць інтэр'еры даволі складана, бо з васьмі пакояў есць толькі фоты гасцёўні, зробленыя з розных ракурсаў.
Мяркуючы па дызайне інтэр'еру і мэблі, можна прыйсці да высновы, што апошні раз грунтоўны рамонт у гэтай кватэры рабілі недзе ў пачатку нулявых.
Эксклюзіўную кватэру ацанілі ў 730 тысяч даляраў або па 2760 даляраў за «квадрат».
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА121
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары