Прадпрымальнікам прапануюць купіць прапагандысцкую кнігу за 125 рублёў
На стварэнне кнігі «Беларусь адзіная» быў выдзелены грант Лукашэнкі. Цяпер выданне навязваюць прадпрыемствам і арганізацыям.
Да «Дня народнага адзінства» 17 верасня ў Беларусі апублікавалі выданне «Беларусь адзіная». Кнігу выдала рэдакцыя часопіса «Дело (Восток + Запад)». Аўтары яе — краязнавец Уладзімір Ліхадзедаў і супрацоўніца Нацыянальнага музея Святлана Харужык, навуковы кіраўнік — дэпутат парламента Вячаслаў Даніловіч.
Як стала вядома «Радыё Свабодзе», цяпер гэтую кнігу «прапаноўваюць» набыць арганізацыям і прадпрыемствам. Пра гэта расказала прадпрымальніца Вольга (імя суразмоўцы змененае дзеля бяспекі), якая кіруе невялікай фірмай.
Паводле яе слоў, на працоўную скрынку кампаніі прыйшоў ліст, дзе рэдакцыя часопіса «прапануе закупку новага выдання». У лісце пазначана, што гэта трэба зрабіць «з мэтай правядзення ідэалагічнай працы». Таксама аўтар паведамлення зазначае, што кніга створаная пры падтрымцы гранту Аляксандра Лукашэнкі і ўключаная ў «спіс сацыяльна значных выданняў».
Выданне «Беларусь адзіная» прысвечана 85-й гадавіне ўз'яднання Заходняй Беларусі і БССР. Каштуе яна 125 рублёў, з перасылкай — 145.
Прадпрымальніца Вольга расказвае, што ўспрыняла «прапанову закупіць» як абавязак.
«Тым больш тут «палохаюць», што кніга — за грант Лукашэнкі і «сацыяльна значная». У нас мала выбару», — кажа Вольга.
Што вядома пра самага пажылога палітвязня — 75-гадовага жыхара Хойнікаў, якому за каментары прысудзілі 3,5 года калоніі2
Каментары
////////////////////
Калі кніга за грант, то павінна рассылацца бясплатна. А калі грант "адбіваецца", то гэта называецца камерцыя, чым і займаецца гэтая шайка.