Свет11

«Яны мяне атруцяць». Выходзіць кніга з успамінамі Аляксея Навальнага

The New Yorker, Der Spiegel, El Pais і The Times апублікавалі ўрыўкі з мемуараў Навальнага. Ён распавядае пра галадоўку ў калоніі, размову з жонкай пра магчымае атручэнне і пра ідэю кнігі «якая «стане помнікам», калі яго заб'юць.

Дзённікі Навальны пачаў весці пасля атручвання «Навічком» у 2020 годзе, калі ён лячыўся ў Германіі і працягнуў, будучы ўжо ў зняволенні ў Расіі. Пасля смерці палітыка ў запалярнай калоніі 16 лютага 2024 года жонка Навальнага Юлія распавяла, што яе муж пісаў кнігу, і анансавала яе выхад на 22 кастрычніка.

Мемуары Навальнага выдае амерыканскае Выдавецтва Knopf. Кніга будзе апублікаваная ў ЗША першым накладам у паўмільёна асобнікаў. Некаторыя ўрыўкі таксама цытуе Медуза.

Аляксея Навальнага арыштавалі 17 студзеня 2021 года пасля таго, як вярнуўся самалётам з Берліна ў Маскву. Спачатку асудзілі на 15 сутак, а потым замянілі ўмоўны тэрмін па справе «Іў Рашэ» і на рэальны і адправілі ў калонію агульнага рэжыму ў горадзе Пакроў Уладзімірскай вобласці. Там ён пачаў скардзіцца на болі ў спіне і аняменне часткі нагі, і 31 сакавіка абвясціў галадоўку, патрабуючы дапусціць да яго дактароў.

Пакуль ён галадаў, супрацоўнікі калоніі падкладвалі яму ў кішэні цукеркі, а жонка Навальнага Юлія распавядала, што ў атрад яе мужа прыносілі электраплітку і смажылі на ёй курыцу.

«Усё становіцца яшчэ больш абсурдным. Я іду на кухню, каб набраць вады, і заўважаю, што яны паставілі электрычную пліту, а сённяшні дзяжурны стаіць там з радасным выглядам і смажыць курыцу, якую потым дзеліць паміж усімі ў блоку. Я рады сказаць, што мой дух не паддаўся смажанай курыцы. Пасля курыцы яны пачалі смажыць хлеб, спецыяльна пакінуўшы дзверы на кухню адкрытай.

З хлебам складаней. Гэта мая слабасць. Запах смажанага жытняга хлеба сапраўды прыцягвае мяне. Аднак я проста засяродзіўся на гэтым і пайшоў далей. Яны думаюць, што пах ежы прымусіць мяне адмовіцца ад галадоўкі?»

22 сакавіка 2022 года выязны суд, які праходзіў проста ў калоніі, прысудзіў Навальнага да дзевяці гадоў строгага рэжыму па абвінавачванні ў асабліва буйным махлярстве і ў непавазе да суда (а таксама па сукупнасці з астатнімі пакараннямі, прызначанымі яму раней).

У гэты дзень Навальны піша, што хоча зафіксаваць свае адчуванні і падрабязна апісвае разважанні, прыёмы, якія дапамагаюць яму справіцца з гэтым, а таксама размову з жонкай падчас іх першага доўгага спаткання ў калоніі.

«Мы прайшлі па калідоры і спыніліся ў месцы, максімальна аддаленым ад камер з мікрафонамі, якія тут паўсюль.

Я прашаптаў ёй на вуха: «Слухай, не хачу драматызаваць, але думаю, ёсць высокая верагоднасць, што я ніколі адсюль не выйду.

Нават калі ўсё пачне разбурацца, яны прыбяруць мяне пры першых прыкметах таго, што рэжым развальваецца. Яны мяне атруцяць». «Я ведаю,» — сказала яна, кіўнуўшы, спакойным і цвёрдым голасам. «Я і сама пра гэта думала».

У гэты момант мне захацелася схапіць яе і абняць як мага мацней. Гэта было так цудоўна! Ніякіх слёз! Гэта быў адзін з тых момантаў, калі разумееш, што знайшоў правільнага чалавека. Ці, магчыма, гэта яна знайшла цябе.

«Давай проста вырашым для сябе, што гэта, хутчэй за ўсё, і адбудзецца. Прымем гэта як асноўны сцэнарый і будзем уладкоўваць наша жыццё, зыходзячы з гэтага. Калі ўсё складзецца лепш, гэта будзе цудоўна, але мы не будзем на гэта разлічваць або мець ілюзорныя надзеі». «Так, так і зробім.»

Як звычайна, яе голас гучаў так, быццам належаў персанажу з мульціка, але яна была зусім сур'ёзная. Яна паглядзела на мяне і зажмурылася з гэтымі вялікімі вейкамі, пасля чаго я падхапіў яе на рукі, абдымаючы ў захапленні. Дзе яшчэ я мог знайсці кагосьці, хто мог бы абмеркаваць са мной самыя складаныя пытанні без лішняй драмы і заломвання рук? Яна цалкам разумела і, як і я, спадзявалася на лепшае, але чакала і рыхтавалася да горшага.

Юля засмяялася і вызвалілася. Я пацалаваў яе ў нос і адчуў сябе нашмат лепш».

Каментары1

  • Жалезны чалавек
    12.10.2024
    Святы чалавек (наколькі можа быць святым палітык). Але я не змагу зразумець ні Навальнага, ні Саакашвілі, якія па сваёй волі пайшлі на катаванні з рызыкай пагібелі. Зрэшты, усе там будзем.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць66

Сяргей Ціханоўскі абурыўся беларускай мовай Святланы Ціханоўскай90

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

Беларускі хлеб збіраюцца захоўваць па паўгода1

Ці можна перамагчы баршчэўнік воцатам і соллю?3

Еўрапейскім грузаперавозчыкам дазволілі ездзіць па тэрыторыі Беларусі. Але толькі пры пэўных умовах

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць