Расклад цягнікоў з Гомеля, Магілёва і Мінска змяніўся з-за рамонту моста
Цягнікі міжрэгіянальных і рэгіянальных ліній на ўчастку Мінск — Асіповічы будуць ісці па змененым раскладзе і маршруце з-за рамонту чыгуначнага моста на перагоне Пухавічы — Талька, паведамляе Белчыгунка.
Цягнік №621 Гомель — Мінск з адпраўленнем з Гомеля 12 лістапада ў 22.05 ад станцыі Жлобін праедзе праз Магілёў, Оршу і прыбудзе ў Мінск у 9.34 (замест 5.41).
Цягнік №631/632 Гомель — Гродна з Гомеля 13 лістапада таксама пойдзе па змененым раскладзе і маршруце праз Асіповічы, Слуцк і Баранавічы-Палескія.
Акрамя таго, 13 лістапада цягнік №744/745 Магілёў — Мінск — Магілёў будзе ісці праз станцыю Орша-Цэнтральная з адпраўленнем з станцыі Магілёў-1 у 7.20 і прыбудзе на станцыю Мінск-Пасажырскі ў 10.49. У зваротным кірунку цягнік №744 Мінск — Магілёў будзе адпраўляцца з станцыі Мінск-Пасажырскі ў 16.50 з прыбыццём на станцыю Магілёў-1 у 20.10.
«Для перавозкі пасажыраў у зносінах Гомель — Жлобін — Мінск прызначаны цягнік №641/642 Гомель — Мінск — Гомель з адпраўленнем з Гомеля 13 лістапада ў 6.59 і прыбыццём у Мінск у 14.12. Назад цягнік адпраўляецца з Мінска ў гэтыя ж дні ў 16.15 з прыбыццём у Гомель у 23.55. Цягнік будзе ісці па змененым маршруце праз станцыю Орша-Цэнтральная (без высадкі і пасадкі пасажыраў на прамежкавых станцыях)», — паведамілі ў прэс-цэнтры.
Таксама асобныя цягнікі міжрэгіянальных і рэгіянальных ліній бізнэс-класа, якія курсуюць па маршрутах Мінск — Гомель і Мінск — Калінкавічы — Мазыр, будуць ісці па змененым раскладзе і маршруце да станцыі Асіповічы-1, а некаторыя цягнікі, у тым ліку Мінск — Магілёў, адмяняюцца.
13 лістапада на ўчастку Мінск — Асіповічы цягнікі рэгіянальных ліній эканомкласу будуць ісці ў злучэнні Мінск — Пухавічы і Талька — Асіповічы (замест Мінск — Асіповічы) па змененым маршруце і раскладзе. Для дастаўкі пасажыраў паміж станцыямі Талька і Пухавічы будзе арганізавана аўтобуснае зносіны па чыгуначных білетах.
Пасажыраў просяць з разуменнем паставіцца да рамонтных работ і ўлічваць інфармацыю пры планаванні падарожжаў.
Каментары