Мінадукацыі зацвердзіла 10 «запаветаў» для школьнікаў і бацькоў
Міністэрства адукацыі Беларусі апублікавала правілы для навучэнцаў і правілы для бацькоў, яны размешчаныя на сайце ведамства.
Для вучняў і іх бацькоў распрацаваны кодэкс з 10 правілаў. У адукацыйным працэсе навучэнцы павінны кіравацца наступнымі правіламі:
- Быць патрыётамі сваёй краіны, малой радзімы і сваёй школы.
- Быць ветлівымі і добразычлівымі ў зносінах з настаўнікамі, а таксама сумленнымі і шчырымі.
- Актыўна ўдзельнічаць у грамадскім жыцці ўстановы адукацыі.
- Сумленна вучыцца, імкнуцца да якаснага асваення ведаў, уменняў, навыкаў, самаўдасканалення, развіцця здольнасцей.
- Выконваць правілы паводзін навучэнцаў, абавязкі навучэнцаў і правілы ўнутранага распарадку школы.
- Паважаць членаў сваёй сям'і, настаўнікаў, школьнікаў і іншых удзельнікаў адукацыйнага працэсу.
- Выконваць патрабаванні настаўнікаў і бацькоў па выкарыстанні мабільных тэлефонаў, прылад для відэазапісу, інтэрнэт-камунікацыі, выконваць правілы паводзін у інтэрнэце.
- Выкарыстоўваць дзелавы стыль адзення, мець акуратны знешні выгляд, падтрымліваць парадак на сваім працоўным месцы.
- Паважаць нацыянальныя і рэлігійныя пачуцці ўсіх удзельнікаў адукацыйнага працэсу.
- Беражліва адносіцца да маёмасці школы.
Бацькі ў сваю чаргу таксама з'яўляюцца ўдзельнікамі адукацыйнага працэсу, таму для іх усталяваны адпаведныя правілы:
- Забяспечваць умовы для выхавання, атрымання адукацыі і развіцця сваіх дзяцей.
- Сумленна і якасна выконваць абавязкі бацькоў, быць прыкладам для дзяцей.
- Стварыць усе ўмовы, неабходныя для вучобы, сацыялізацыі, умацавання здароўя, самаразвіцця і самарэалізацыі дзіцяці, абараняць яго правы і законныя інтарэсы.
- Забяспечваць выкананне дзецьмі патрабаванняў настаўнікаў.
- Ухіляцца ад канфліктаў у адносінах з настаўнікамі, іншымі бацькамі, быць ветлівымі, добразычлівымі і тактычнымі.
- Падтрымліваць з удзельнікамі адукацыйнага працэсу канструктыўныя і даверлівыя адносіны, узаемадзейнічаць з настаўнікамі па пытаннях выхавання і навучання дзяцей.
- Спрыяць стварэнню пазітыўных адносін у калектыве навучэнцаў і бацькоўскай супольнасці.
- Выконваць этычныя прынцыпы і правілы паводзін, у тым ліку ў інтэрнэт-прасторы.
- Быць станоўчым прыкладам для дзіцяці сваім знешнім выглядам, паводзінамі і культурай зносін.
- Імкнуцца да павышэння сваёй псіхалагічна-педагагічнай кампетэнтнасці.
Цяпер чытаюць
Герой Беларусі Марына Васілеўская нарадзіла дачку ад касманаўта Алега Навіцкага44
Каментары
Камуняне мае ўлюблёныя, прыхільныя "дармовае" адукацыі і пазытыўных правоў! Да вас зьвяртаюся! Вы ж разумееце, што
Я Няе МОГУ ИНАЧЕ)))?